telugu navyamedia
ట్రెండింగ్ సినిమా వార్తలు

విస్కీ బాటిళ్ళతో ప్రముఖ దర్శకుడు… తల పట్టుకున్న భార్య

Pinishetty

జూలై 14న ప్రముఖ దర్శకుడు రవిరాజా పినిశెట్టి పుట్టినరోజు. తన తండ్రి పుట్టినరోజు వేడుకను హీరో ఆది పినిశెట్టి ఇంట్లో స్వీట్ అండ్ సింపుల్‌గా నిర్వహించారు. కుటుంబ సభ్యుల మధ్య రవిరాజా కేక్ కట్ చేసి పుట్టినరోజును జరుపుకున్నారు. తన తండ్రి పుట్టినరోజు వేడుకలకు సంబంధించిన ఫొటోలను ఆది ట్విట్టర్ ద్వారా అభిమానులతో పంచుకున్నారు. తన తండ్రికి పుట్టినరోజు శుభాకాంక్షలు చెప్పారు. అయితే, ఈ ట్వీట్‌లో పొందుపరిచిన ఒక ఫొటో ఆది అభిమానులను, నెటిజన్లను బాగా ఆకర్షిస్తోంది. దీనికి కారణం.. ఈ ఫొటోలో రవిరాజా మందు బాటిళ్లు పట్టుకొని ఉండటమే. ఇంపోటెడ్ కాస్ట్‌లీ స్కాచ్ విస్కీ బాటిళ్లను రెండు చేతులతో పట్టుకుని రవిరాజా కెమెరాకు చూపిస్తున్నారు. ఆయన మొహం వెలిగిపోతోంది. ఆ పక్కనే ఆయన భార్య, ఆది తల్లి రాధా రాణి తలపట్టుకుంటున్నారు. ఇదెక్కడ గోలరా బాబూ అని ఆమె ఫీలింగ్ అనుకుంటా. ఈ ఫొటోకి ట్విట్టర్‌లో మంచి మంచి కామెంట్లు వస్తున్నాయి. అయితే.. ‘‘నాన్న గారితో కలిసి ఎప్పుడైనా సిట్టింగ్ వేశారా?’’ అని ఒక అభిమాని ఆదికి ప్రశ్న సంధించారు. దీనికి ఆది ‘నెవర్’ అని సమాధానం ఇచ్చారు. టాలీవుడ్‌లోని ఒకప్పటి స్టార్ డైరెక్టర్లలో రవిరాజా పినిశెట్టి ఒకరు. రీమేక్ స్పెషలిస్ట్‌గా ఈయనకు మంచి పేరుంది. తమిళం, కన్నడ, మలయాళ భాషల్లో సూపర్ హిట్ అయిన సినిమాలను తెలుగులో రీమేక్ చేసి హిట్లందుకున్నారు పినిశెట్టి. చిరంజీవి, బాలకృష్ణ, మోహన్ బాబు, రాజశేఖర్, వెంకటేష్ వంటి స్టార్ హీరోలతో సినిమాలు చేసి విజయాలు అందుకున్నారు. ‘యముడికి మొగుడు’, ‘పెదరాయుడు’, ‘బంగారు బుల్లోడు’, ‘చంటి’, ‘బలరామకృష్ణులు’, ‘మా అన్నయ్య’ వంటి ఆణిముత్యాలు రవిరాజా పినిశెట్టి ఖాతాలో ఉన్నాయి. ఇంచుమించుగా 40 సినిమాలకు ఆయన దర్శకత్వం వహించారు. ప్రస్తుతం సినిమాలకు స్వస్తి చెప్పి విశ్రాంతి తీసుకుంటున్నారు.

Related posts