telugu navyamedia
culture

67ఏళ్ళ పెళ్ళికొడుకు-24 ఏళ్ళ పెళ్లికూతురు.. రక్షణ కల్పించాలన్న కోర్టు.. 

women with single kidney lost her marriage
ప్రేమకు వయసు లేదని అంటుంటారు.. అదే నిజం అంటుంది ఈ ప్రేమ జంట. రెండు హృదయాలు ఒక్కటయ్యేందుకు అర్థం చేసుకునే మనసు ముఖ్యం కానీ వయసుతో పనేముందని నిరూపించింది ఈ జంట. అతని వయసు 67 ఏళ్లు. ఆమె వయసు 24 ఏళ్లు. వయోభేదం వారి ప్రేమకు అడ్డుకాలేదు. ప్రేమించుకోవడమే కాదు పెద్దలను ఎదిరించి మరీ పెళ్లి చేసుకున్నారు. వివరాల్లోకి వెళితే.. పంజాబ్‌ రాష్ట్రం ధూరి సబ్‌ డివిజన్‌ పరిధిలోని బలియాన్‌ గ్రామానికి చెందిన షంషేర్‌ (67), నవ్‌ప్రీత్‌ కౌర్‌ (24)లు ప్రేమించుకున్నారు. పెళ్లి చేసుకోవాలని నిర్ణయించుకున్నారు. రెండు కుటుంబాల పెద్దలు ఈ పెళ్లికి అంగీకరించ లేదు. దీనితో చండీగఢ్‌లోని గురుద్వారాలో జనవరిలో తమ మనసుకు నచ్చినట్లు వివాహం చేసుకున్నారు.
కాకపోతే పెద్దలకు ఇష్టంలేని పెళ్లి చేసుకున్నందున వారి నుంచి తమకు ప్రాణహాని ఉందని భయపడుతున్నారు. అందుకే తమకు రక్షణ కల్పించాలంటూ హైకోర్టును ఆశ్రయించారు. వీరి పిటిషన్‌ విచారించిన కోర్టు ఇద్దరూ మేజర్లు అయినందున ఇష్టప్రకారం పెళ్లి చేసుకుని జీవించే హక్కుందని, కావున నూతన జంటకు రక్షణ కల్పించాలని సంగ్రూర్‌, బర్నాలా జిల్లా ఎస్పీలను ఈనెల 4వ తేదీన ఆదేశించింది.
దీనిపై సంగ్రూర్‌ ఎస్పీ సందీప్‌ గార్గ్‌ మాట్లాడుతూ హైకోర్టు ఆదేశాలు పాటిస్తామని స్పష్టం చేశారు. కాగా, వయసు రీత్యా భారీ తేడా ఉన్న వీరి ప్రేమ, పెళ్లి వ్యవహారం ఫోటోలు ప్రస్తుతం సామాజిక మాధ్యమాల్లో వైరల్‌గా మారాయి.

Related posts

చివరి వన్డేలో భారత్‌ ఘనవిజయం.. 4-1 తేడాతో సిరీస్‌ కైవసం

vimala p

చలికి.. వెచ్చగా ఉండాలంటే.. ఇవి తినాల్సిందే…

vimala p

కరిమబ్బు దెబ్బలు

ashok