టాలీవుడ్లోకి రాఘ‌వేంధ్ర‌రావు ద‌ర్శ‌క‌త్వం వ‌హించిన ఝుమ్మంది నాదం సినిమాతో హీరోయిన్గా ఎంట్రీ ఇచ్చిన తాప్సీ.. ఆ తర్వాత సూపర్ హిట్ చిత్రాలలో నటించి తెలుగు ప్రేక్ష‌కుల‌ను మెప్పించింది. ఇక ఇటు తెలుగులో మంచి ఫాంలో ఉన్న సమయంలోనే అటు బాలీవుడ్లోనూ అవకాశాలను అందుకుంది తాప్సీ.
అదే సమయంలో అక్కడ ఆమెకు సూపర్ హిట్స్ లభించడంతో.. పూర్తిగా బాలీవుడ్కు షిఫ్ట్ అయ్యింది ఈ పంజాబీ బ్యూటీ. అలాగే లేడీ ఓరియెంటెడ్ సినిమాలతోనూ సొట్ట‌బుగ్గ‌ల చిన్న‌ది బాలీవుడ్ లో మంచి గుర్తింపు తెచ్చుకున్నారు.
తాజాగా తాప్సీ నటించిన లేటెస్ట్ బాలీవుడ్ మూవీ మూవీ ‘రష్మీ రాకెట్స్‌. ఈ సినిమా ట్రైలర్ విడుదల చేశారు చిత్రయూనిట్. ఆకర్ష్ ఖురానా రూపొందించిన ఈ మూవీలో అథ్లెట్‌గా కనిపించనుంది తాప్సీ. ఓ లేడీ అథ్లెట్ తన లక్ష్యం చేరడం కోసం ఎలాంటి అవాంతరాల్ని ఎదుర్కొంది ఎలాంటి వివక్షకు గురైంది? అనే కథాంశంతో ఈ సినిమా తెరకెక్కింది. తన ద్వారా మహిళ లింగ వివక్ష టెస్టింగ్.. స్త్రీత్వంపై ‘రష్మీ రాకెట్’ తన గెలుపు ద్వారా ఈ ప్రపంచానికి ఏ సందేశాన్ని ఇవ్వాలనుకుంది? అనే అద్భుతమైన నేపథ్యంలో సాగే కథ అని అర్థమవుతోంది.
అలాగే గ్రామీణ స్థాయి నుంచి వెళ్లి జాతీయ స్థాయిలో గుర్తింపు తెచ్చుకోవడం కోసం అవమానాలు ఎదుర్కొన్న కొంత మంది అథ్లెట్ల జీవితాలని స్ఫూర్తిగా ఈ సినిమాను దర్శకుడు ఆకర్ష్ ఖురానా తెరకెక్కించార‌నేది ఈ ట్రైలర్ చూస్తే అర్ధమవుతుంది.
‘పింక్’, ‘బద్లా’, ‘నామ్ షభానా’ వంటి విభిన్న సినిమాల మాదిరిగానే ‘రష్మీ రాకెట్’ కూడా మంచి ఎమోషనల్ కంటెంట్‌తో రూపొందింది. ఈ సినిమాపై తాప్సీ భారీ ఆశలు పెట్టుకుంది. ఈ సినిమా అక్టోబర్ 15న జీ5 ఓటీటీలో విడుదలవుతోంది.