ఇప్పుడు సోషల్ మీడియాలో “బాటిల్ క్యాప్ ఛాలెంజ్” వైరల్ అవుతోంది. కికీ ఛాలెంజ్, ఐస్ బకెట్ ఛాలెంజ్ అంటూ రకరకాల ఛాలెంజ్లు యూత్ని ఉర్రూతలూగించాయి. ఇప్పుడు ఈ కొత్త ఛాలెంజ్ ప్రపంచవ్యాప్తంగా ట్రెండ్ అయ్యింది. ఈ ఛాలెంజ్ లక్ష్యం ఏంటంటే ఓ టేబుల్పై బాటిల్ను పెట్టి, దానికి కొద్ది దూరంలో నిలబడి మూతను బాటిల్ కింద పడకుండా తన్నాలి. చాలామంది ఈ ఛాలెంజ్ ను విజయవంతంగా పూర్తి చేసి సోషల్ మీడియాలో పోస్ట్ చేశారు. అయితే తాజాగా “మహానటి” దర్శకుడు “వన్ బకెట్ ఛాలెంజ్” చేశాడు. ప్రస్తుతం భారత భూగర్భ జలాలు అడుగంటి పోతుండడంతో అనేక ప్రాంతాల ప్రజలు నీటి కోసం ముప్పు తిప్పలు పడుతున్నారు. ఈ సమస్య రానున్న రోజులలో హైదరాబాద్కి కూడా రానుంది. ఇలాంటి పరిస్థితి రాకూడదంటే నీటిని ఆదా చేయడం ఒక్కటే మార్గం. అందుకే “మహానటి” దర్శకుడు నాగ్ అశ్విన్ కాస్త విభిన్నంగా ఆలోచించి “వన్ బకెట్ ఛాలెంజ్” చేశారు. జూలై 21 అనగా ఈ ఆదివారం దినచర్యలైన బ్రష్, బాత్, టాయిలెట్, హ్యాండ్ వాష్ ఇలా అన్ని అవసరాలని కేవలం ఒక్క బకెట్ నీటితో మాత్రమే తీర్చుకోవాలని ఆయన సోషల్ మీడియా ద్వారా పిలుపునిచ్చారు. తాజాగా సమంత “వన్ బకెట్ ఛాలెంజ్”ను స్టార్ట్ చేశారు. ఆ ఛాలెంజ్ను స్వీకరించడానికి టాలీవుడ్ స్టార్ హీరోయిన్ సమంత ముందుకు వచ్చారు. ఈ ఛాలెంజ్ ప్రకారం సమంత జూలై 21న కేవలం ఒక బకెట్ నీటినే వాడుతారు.”నాతో పాటు ఎవరు ఉంటారు? ఆదివారం “వన్ బకెట్ ఛాలెంజ్”ను ఎవరు స్వీకరిస్తారు? ఎక్కువ సేపు స్నానం చేయకూడదు. వాహనాలను కడగవద్దు. నా ఛాలెంజ్ను నేను పోస్ట్ చేస్తా.. మీరెవరూ మోసం చేయకండా.. ప్రతి చుక్కా లెక్కే” అంటూ ట్విట్టర్ ద్వారా ఛాలెంజ్ విషయాన్ని తెలియజేస్తూ మెసేజ్ పోస్ట్ చేశారు. టాలీవుడ్ హీరోలు వరుణ్తేజ్, నాగ్ అశ్విన్, బెల్లంకొండ సాయిశ్రీనివాస్లు సమంత ఛాలెంజ్కు ట్విట్టర్ ద్వారా తమ స్పందనను తెలియజేశారు.
సమంత కొత్త ఛాలెంజ్… మీరు సిద్ధమేనా ?
అల్లు కాంపౌండ్… “పేట” నిర్మాతలకు వార్నింగ్