వ్యక్తిగత పరిశుభ్రత గురించి తెలుపుతూ ‘సేఫ్ హ్యాండ్ ఛాలెంజ్’తో పాటు, ‘జనతా కర్ఫ్యూ’కి మద్దతుగా సెలబ్రిటీలు వీడియోలు విడుదల చేస్తున్నారు. తాజాగా బాలీవుడ్ నటి రవీనా టాండన్ ఇటీవల బాంద్రాకు రైల్లో వెళ్తున్న సమయంలో ట్రైన్లోని క్యాబిన్ను శానిటైజర్ వేసి శుభ్రం చేశారు. ముఖానికి ఫేస్ మాస్కు ధరించి సీట్లను క్లీన్ చేస్తున్న వీడియోను ఆమె అభిమానులతో ఇన్స్టాగ్రామ్లో పంచుకున్నారు. ముందు జాగ్రత్తలు పాటిస్తే.. విచారం వ్యక్తం చేయాల్సిన అవసరమండదని తెలుపుతూ ‘మేము కూర్చుండే చోటును శానిటైజర్ వేసి శుభ్రం చేశా. సౌకర్యంగా అనిపించింది. చాలా అత్యవసరమైతేనే ప్రయాణాలు చేయండి. ఎవరికి వారు వ్యక్తిగతంగా జాగ్రత్త చర్యలు తీసుకోండి. మీకు మీరే అతి ప్రధానం, అది గుర్తుంచుకోండి’ అని అన్నారు.
ట్రైన్లోని క్యాబిన్ను శుభ్రంచేసిన రవీనా టాండన్
