తెలుగులో పాయల్ రాజ్పుత్ నటించిన చిత్రాల సంఖ్య తక్కువే. కానీ, ఎక్కువమంది ప్రేక్షకులకు ఆమె తెలుసు. తొలి తెలుగు చిత్రం ‘ఆర్ఎక్స్ 100’, తర్వాత ‘ఆర్డిఎక్స్ లవ్’తో గ్లామర్ నాయికగా గుర్తింపు తెచ్చుకున్నారు. ‘వెంకీ మామ’, ‘డిస్కో రాజా’ చిత్రాల్లో నటనకు ఆస్కారమున్న పాత్రలు చేసినప్పటికీ, పాయల్ రాజ్పుత్ను గ్లామర్ భామగా మెజారిటీ ప్రేక్షకులు చూస్తున్నారు. అయితే తాజాగా పాయల్ ఓ క్రేజీ ఆఫర్ దక్కించుకున్నట్లు ఫిల్మ్ నగర్లో వార్తలు వినిపిస్తున్నాయి. నట సింహ నందమూరి బాలకృష్ణ సరసన నటించే క్రేజీ ఛాన్స్ కొట్టేసిందట ఈ అమ్మడు. బాలయ్య- బోయపాటి కాంబినేషన్లో అత్యంత ప్రతిష్ఠాత్మకంగా రూపొందుతోన్న మూవీలో నాయికగా పాయల్ను ఎంపిక చేస్తున్నట్లు తెలుస్తోంది. గతంలో మూవీ యూనిట్ పలువురు బాలీవుడ్ సీనియర్ హీరోయిల్ని సంప్రదించినట్లు టాక్ నడిచింది. అయితే వాళ్ల కాల్షీట్లు దొరక్కపోవడంతో పాటు రెమ్యూనరేషన్ కూడా భారీగా డిమాండ్ చేస్తుండటంతో పాయల్ని అప్రోచ్ అయ్యారని సమాచారం. త్వరలోనే ఈ విషయంపై స్పష్టత వచ్చే అవకాశం ఉంది. గతంలో ఎన్టీఆర్ జీవితాధారంగా క్రిష్ తెరకెక్కించిన ‘ఎన్టీఆర్ కథానాయకుడు’లో బాలయ్య పక్కన మెరిసింది పాయల్.
బాలయ్యకు జోడిగా పాయల్…?
