లేడీ సూప‌ర్ స్టార్ నయనతార-విఘ్నేశ్ శివన్ మరికొన్ని గంటల్లో మూడుముళ్ల బంధంతో ఏడడుగులతో వీళ్లిద్దరు ఒకటి కానున్నారు. నయన్, విఘ్నేష్ వివాహం హిందూ సంప్ర‌దాయంలో మహాబలిపురంలో జూన్ 9న జరగనుంది. వేదిక కానుంది. అత్యంత సన్నిహితుల మధ్య ఈ వేడుక జరగనుంది.
అయితే తాజాగా నయన్-విఘ్నేశ్ వెడ్డింగ్ ఇన్విటేషన్ వీడియో నెట్టింట వైరల్గా మారింది. ఈ యానిమేటేడ్ వీడియోలో వధువు, వరుడు తమిళ సాంప్రదాయ దుస్తులు ధరించి కలిసి నడుస్తున్నట్లుగా చూపించారు. ఇందులో నయనతార, విఘ్నేష్ తల్లిదండ్రుల పేర్లు, పెళ్లి తేది, జరిగే సమయం, వేదికను వివరాలున్నాయి.
కాగా..వీళ్ల పెళ్లికి ఇరు కుటుంబాలకు చెందిన ఫ్యామిలీ మెంబర్స్‌తో పాటు సినీ పరిశ్రమకు చెందిన కొంత మందికి మాత్రమే ఆహ్వానం ఇప్పటికే అందినట్టు సమాచారం. ఈ వేడుకకు వచ్చే అతిథులందరూ ప్రత్యేక డ్రెస్ కోడ్లో హాజరుకానున్నట్లు తెలుస్తోంది.
ఈ వేడుకకు తమిళనాడు ముఖ్యమంత్రి స్టాలిన్‌తో పాటు కొంతమంది తమిళనాడు రాజకీయ నాయకులు హాజరు కానున్నట్టు సమాచారం. ఇక తెలుగు సినీ పరిశ్రమ నుంచి బాలయ్య, చిరంజీవి, సమంతలకు ప్రత్యేక ఆహ్వానం అందినట్టు సమాచారం. అంతేకాకుండా సాంప్రదాయ దుస్తుల్లో వివాహానికి హాజ‌రుకావాల‌ని ఆ పత్రిక‌లో రాసి ఉంది.
