శ్రీలంకతో జరిగిన టీ20 మ్యాచ్‌లో సిక్సుల వర్షం కురిపించాడు వెస్టిండీస్ ఆల్‌రౌండర్ కీరన్ పొలార్డ్. ఒక ఓవర్‌లో ఆరు సిక్సులు బాది అరుదైన రికార్డును సాధించారు. శ్రీలంక స్పిన్నర్ ధనంజయ ఈ మ్యాచ్‌లో వరుసగా మూడు వికెట్లు పడగొట్టి హ్యాట్రిక్ చేశారు. ఆ తరువాత ధనుంజయ బౌలింగ్‌లో పొలార్డ్ ఈ ఘనత సాధించారు. వరుసగా ఆరు సిక్సులు బాది బౌలర్‌కు ఆ ఓవర్‌ను ఓ పీడకలగా మిగిల్చారు. బుధవారం జరుగిన మ్యాచ్‌లో పోలార్డ్ దాటికి విండీస్ 131 పరుగుల లక్ష్యాన్ని కేవలం 13.1 ఓవర్లలో ఛేదించింది. ఈ మ్యాచ్‌తో ఓవర్‌లో ఆరుసిక్సులు బాదిన బ్యాట్స్‌మన్‌ల జాబితాలో పోలార్డ్ కూడా చేరారు. ఇంతకు ముందు ఈ ఘనతను సౌత్ ఆఫ్రికా బ్యాట్స్‌మన్ హర్షలీ గిబ్స్, భారత మాజీ ఆల్‌రౌండర్ యువరాజ్ సింగ్ తరువాత ఈ ఘనతను సాధించింది పొలార్డ్ మాత్రమే. ఇదిలా ఉంటే ఈ మ్యాచ్‌లో శ్రీలంక నిర్ణీత 20 ఓవర్లలో 9 వికెట్లు కోల్పోయి 131 పరుగులు చేసింది. అనంతరం బ్యాటింగ్‌కు వచ్చిన విండీస్ కేవలం 13.1 ఓవర్లలో ఆరు వికెట్లు కోల్పోయి లక్ష్యాన్ని ఛేదించింది. అయితే ప్రస్తుతం ఈ వార్త సోషల్ మీడియాలో హల్ చల్ చేస్తుంది.
ఆరు బంతుల్లో ఆరు సిక్సులు బాదిన పొలార్డ్…
