ఎక్సైజ్శాఖ కొత్తగా అనుమతులు ఇచ్చిన కంపెనీల్లో ఒకటైన ‘లీలాసన్స్ ఆల్కా బెవ్’ సంగారెడ్డి జిల్లాలోని మల్లేపల్లిలో బీర్లను తయారు చేస్తుంది.
ఇదే కంపెనీ ఏపీలో ‘ట్రెడిషనల్ ఎక్స్లెన్స్ ఇన్ క్వాలిటీ’ అనే కంపెనీ పేరుతో బీర్లు విక్రయిస్తోంది.
అలాగే చెన్నైలో ‘సెయింట్ పాట్రిక్స్’ పేరుతో మద్యం బీర్లు రూపొందిస్తోంది.
కాగా, ఈ కంపెనీ మధ్యప్రదేశ్ రాష్ట్రానికి చెందినది. ‘అమెరికన్ బ్రూవ్ క్రాఫ్ట్ లిమిటెడ్ (ప్రై)’తో ఈ కంపెనీ టైఅప్ అయినట్లుగా తెలుస్తోంది.
తెలంగాణలో కొత్తగా 27 రకాల బీర్లు రాబొతున్నాయి. దీనికోసం ఇప్పటికే కొత్తగా ఐదు బీర్ల తయారీ కంపెనీలకు ఈ ఏడాది రాష్ట్ర బేవరేజెస్ కార్పొరేషన్ అనుమతులు కూడా మంజూరు చేసింది.
అయితే, వీటిలో అధికంగా క్రాఫ్ట్ బీర్లే ఉన్నట్లు సమాచారం. తెలంగాణ బేవరేజ్ కార్పొరేషన్ కొత్తగా అనుమతులు ఇచ్చిన కంపెనీల్లో టాయిట్ బ్రేవరీస్ ప్రైవేట్ లిమిటెడ్, ఎక్సోటికా లిక్కర్ ప్రైవేట్ లిమిటెడ్, మౌంట్ ఎవరెస్ట్ లిమిటెడ్, లీలాసన్స్ ఆల్కా బేవ్ ప్రైవేట్ లిమిటెడ్, సోం డిస్టిలరీస్ అండ్ బేవరేజెస్ ఉన్నాయి.
‘బ్లాక్ బస్టర్’ పేరుతో నాలుగు బీర్లను ఈ సంస్థ తయారు చేస్తున్నది. తెలంగాణలో మాత్రం రెండు బ్రాండ్లను మాత్రమే అందుబాటులోకి తీసుకొస్తామని పేర్కొన్నది.
తెలంగాణ విమోచన దినోత్సవాన్ని బీజేపీ నిర్వహించి తీరుతుంది: లక్ష్మణ్