గతేడాది అక్టోబర్‌లో ప్రముఖ బాలీవుడ్ నటి తనుశ్రీ దత్తా… బాలీవుడ్ నటుడు నానా పటేకర్‌ తనతో అసభ్యంగా ప్రవర్తించాడనే ఆరోపణలతో మీటూ ఉద్యమానికి తెరలేపింది. ఆ తర్వాత ఎందరో నటీమణులు తమను వేధించిన దర్శకులు, నిర్మాతలు, హీరోల పేర్లు బయటపెట్టారు. టాలీవుడ్ లో శ్రీరెడ్డి కూడా పలువురు ప్రముఖులపై ఆరోపణలు చేయడంతో ఈ ఉద్యమం ఉవ్వెత్తున ఎగిసిపడింది. కానీ పాపం ఓ డైరెక్టర్ కు ఏమాత్రం సంబంధం లేకుండా ఇలాంటి ఓ విషయంలో అల్లరిపాలయ్యాడట. డైరెక్టర్ రవిబాబు… అవును.. థ్రిల్లర్ మూవీస్ ఎక్కువగా తీసే రవిబాబు కూడా ఇలాంటి వివాదంలో చిక్కుకున్నానని చెబుతూ ఆ వివరాలు ఓ ఇంటర్వ్యూలో బయటపెట్టారు.. ఆయనకు అసలు సోషల్‌మీడియా అకౌంట్లే లేవట. ఆయన పేరుతో ఉన్నవన్నీ నకిలీవేనట… అందులో ఓ ఫేక్ ఎకౌంట్ నుంచి గతంలో రవిబాబుతో కలసి పనిచేసిన ఓ లేడీ ఆర్టిస్టుకు బూతు మెసేజులు వచ్చాయట. కానీ అసలు విషయం తెలియని సదరు లేడీ ఆర్టిస్టు రవిబాబుపై కోపం పెంచుకుందట. ఏకంగా ఓ ఛానల్ కు వెళ్లిందట. ఆ ఛానల్ వాళ్లు కూడా ఆ ఛాటింగ్ రవిబాబే చేసి ఉంటారనుకుని రవిబాబుపై నెగిటివ్ స్టోరీ వేశారట. ఆ విషయం తన అసిస్టెంట్‌ డైరెక్టర్ ద్వారా తెలుసుకున్న రవిబాబు.. ఆ జర్నలిస్ట్‌కి ఫోన్‌ చేసి ‘అది నా ఫేస్‌బుక్‌ అకౌంటో కాదో తెలియకుండా ఎలా మాట్లాడతారు?’ అని అడిగాడట. ఆ తర్వాత విషయం తెలసుకున్న సదరు ఛానల్ వాళ్లు ఆ ప్రచారం ఆపేశారట. సాధారణంగా అయితే, వాళ్లపై చర్యలు తీసుకోవాలి.. కానీ నేను అవన్నీ పట్టించుకోను వదిలేశాను అంటున్నారు రవిబాబు. అందుకే తాను సోషల్ మీడియా జోలికి వెళ్లనని రవిబాబు ఆ ఇంటర్వ్యూలో చెప్పుకొచ్చారు.
యువతితో డైరెక్టర్ బూతు చాటింగ్… అసలు జరిగిన కథ ఇదీ…!
