“ఇంకేం కథ ముగిసింది” అంటూ కంగనపై తాప్సి సెటైర్

బాలీవుడ్ నటుడు సుశాంత్ సింగ్ రాజ్ పుత్ ఆత్మహత్య బాలీవుడ్ లో కలకలం సృష్టించింది. అంతేకాదు బాలీవుడ్ లో నెపోటిజంపై వార్ మొదలైంది. ఈ నేపథ్యంలో బాలీవుడ్ క్వీన్ కంగనా రనౌత్, మిల్కీ బ్యూటీ తాప్సి మధ్య మాటల యుద్ధం నడుస్తుంది. తాజాగా మరోసారి సోషల్ మీడియా వేదికగా తాప్సి కంగనపై కౌంటర్ వేసింది. తాప్సి కంగన రనౌత్ కు చెందిన ఒక పాత వీడియోను పోస్ట్ చేసి “ఓ అయితే ప్రతి చోట ఇటువంటి సిస్టమ్​ ఉంటుందన్న మాట, ఇంకేం కథ ముగిసింది” సెటైర్ వేసింది. 2010లో కంగన రనౌత్ ఒక ఇంటర్వ్యూ లో మాట్లాడుతూ… ఎంట్రన్స్ ఎక్సామ్స్ రాసినప్పుడు తనకు ప్రత్యేకమైన కోటా ఉండేదని, తన తండ్రి బిజినెస్​ మ్యాన్​, తల్లి ఉపాధ్యాయురాలు, తాత ఐఏఎస్​ ఆఫీసర్​, ముత్తాత స్వాతంత్య్ర సమరయోధుడు అంటూ ఆ వీడియోలో కంగనా చెప్పుకొచ్చింది. కాగా ఆ మాటను పట్టుకున్న తాప్సి అందులో వారసత్వ నటనను జోడించింది. అలానే ఇండస్ట్రీలో స్టార్​ కిడ్స్​కు కూడా కోటా ఉంటుందని చెప్పింది. ఈ వీడియో గురించే ఇప్పుడు తాప్సి ప్రస్తావించింది.