“30 రోజుల్లో ప్రేమించడం ఎలా?” సినిమాతో వెండి తెరపైకి హీరోగా ఎంట్రీ ఇచ్చాడు ప్రదీప్ మాచిరాజు. మున్నా దర్శకుడిగా పరిచయం అయిన ఈ చిత్రంలో అమృతా అయ్యర్ హీరోయిన్ గా నటించారు. అయితే నిన్న ఈ చిత్రం ప్రముఖ ఓటిటి అమెజాన్ ప్రైమ్ వీడియోలో రిలీజ్ అయ్యింది. సాధారణంగా అమెజాన్ ప్రైమ్ లో సినిమాలను విడుదల చేసేముందు ఏదో ఒక ప్రమోషనల్ కంటెంట్ తో సోషల్ మీడియాలో హడావిడి చేస్తారు. కానీ ఈ చిత్రం థియేటర్ లో విడుదలై దాదాపు నాలుగు నెలలవుతోంది. ఇంత గ్యాప్ తరువాత విడుదల చేస్తున్న ఈ చిత్రం గురించి అమెజాన్ ప్రైమ్ అసలు ఎలాంటి ప్రమోషన్స్ చేయకపోవడం గమనార్హం. ఈ సినిమా ఓటిటి కోసం విడుదల ఆతృతగా చూస్తున్న ప్రేక్షకులకు చాలా మందికి “30 రోజుల్లో ప్రేమించడం ఎలా?” ఓటిటిలో రిలీజ్ అయ్యిందన్న విషయం తెలీకుండా పోయింది. ఇక వివా హర్ష, పోసాని కృష్ణ మురళి, హేమ, శుభలేఖ సుధాకర్ ఈ చిత్రంలో ఇతర ముఖ్య పాత్రలు పోషించారు. ఈ సంవత్సరం జనవరి 29న చిత్రం తెరపైకి వచ్చిన విషయం తెలిసిందే.
అమెజాన్ లో విడుదలైన ప్రదీప్ సినిమా…
