ఈ వేసవిలో “మజిలీ” సినిమాతో ప్రేక్షుకుల మనసు దోచేసింది సమంత, నాగచైతన్య జంట. శివ నిర్వాణ దర్శకత్వంలో రూపొందిన ఈ సినిమాలో ఎమోషన్ తో ప్రేక్షకులను కట్టి పడేశారు చైసామ్. తమ పెళ్లి తర్వాత మొదటిసారి తెర పంచుకొని, నిజ జీవితంలోనే కాదు వెండితెరపై కూడా సూపర్ హిట్ జోడీ అనిపించుకున్నారు. మంచి హిట్ కోసం ఎదురుచూస్తున్న నాగచైతన్యకు ఈ సినిమాతో భారీ హిట్ దక్కింది. “మజిలీ” విజయం చైతూ కెరీర్ గ్రాఫ్ లో కీలక మలుపు అని చెప్పొచ్చు. అయితే ఈ సినిమా తర్వాత నాగచైతన్య కొత్త సినిమా ఏ దర్శకుడితో చేయబోతున్నాడనే విషయంపై పలు వార్తలు వస్తున్నాయి. ముఖ్యంగా “ఆర్ఎక్స్100” సినిమాతో దర్శకుడిగా మంచి గుర్తింపు తెచ్చుకున్న అజయ్ భూపతి దర్శకత్వంలో చైతూ నెక్స్ట్ ప్రాజెక్ట్ ఫిక్స్ అయిందనే టాక్ బలంగా వినిపిస్తోంది. కాగా ఈ సినిమాకు “మహాసముద్రం” ఆసక్తికర టైటిల్ కూడా ఫిక్స్ చేశారని, త్వరలోనే ఈ సినిమా సెట్స్ పైకి రానుందని సమాచారం. పైగా ఇందులో సమంత కూడా నటించనుందని అంటున్నారు. దీనిపై అఫీషియల్ ప్రకటన మాత్రం రాలేదు కానీ చైతూ సమంత జంట మరోసారి తెరపై కనువిందు చేయనుందనే వార్తలు వస్తున్నాయి.
నాగ చైతన్యతో “ఆర్ఎక్స్ 100” దర్శకుడు… టైటిల్ ఇదే ?
