కరోనా మహమ్మారితో నిర్మాతలు రోడ్డున పడుతున్నారు…

ఎక్కడో చైనాలో ఉన్న జబ్బు మన ఇండియాకు రావడం.. అందులోనూ తెలంగాణకు రావడమేంటి అంటూ నవ్వుకున్నారు. కానీ వారం రోజుల్లోనే కరోనా చుక్కలు చూపిస్తుంది. దెబ్బకు అన్నీ బంద్ చేసి ఇంట్లో కూర్చునేలా చేసింది ఈ వైరస్. ఇక ఇప్పుడు సినిమా ఇండస్ట్రీపై కూడా ఈ వైరస్ ప్రభంజనంలా విరుచుకుపడుతుంది. ఇప్పటికే ఇండియాలో కరోనా మరణాలు కూడా మొదలైపోవడంతో సినిమా షూటింగ్స్ కూడా ఆగిపోతున్నాయి.సినిమాలను కూడా వాయిదా వేసుకుంటున్నారు నిర్మాతలు. ఇంటి నుంచి బయటికి వస్తుంటే మాస్క్ లేకుండా రాలేకపోతున్నారు. ఇప్పుడు ప్రభుత్వమే రావద్దని చెబుతుంది. ఈ ప్రభావం టాలీవుడ్‌పై దారుణంగా పడుతుంది. ఇప్పటికే కోట్ల రూపాయలు నష్టపోతున్నారు నిర్మాతలు. అనుకోకుండా వచ్చిన ఈ కరోనా మహమ్మారితో చిన్న నిర్మాతలు రోడ్డున పడుతున్నారు. పెద్ద నిర్మాతలకు కూడా వడ్డీల రూపంలో కోట్ల నష్టం వస్తుంది. ఈ వైరస్ కారణంగా రెగ్యులర్‌గా ఏదో పక్కూరికి వెళ్లొచ్చినట్లు బ్యాంకాక్, థాయ్ ల్యాండ్ లాంటి దేశాలు తిరిగేసి వచ్చే మన స్టార్స్ కూడా అంతా ఇంట్లోనే ఉన్నారు.