భారత్ కు చెందిన ఫొటో జర్నలిస్టు సిద్దిఖీని శ్రీలంక పోలీసులు అరెస్ట్ చేశారు. ఈస్టర్ సండే పేలుళ్ల అనంతరం తాజా సమాచారం కవర్ చేసేందుకు వెళ్లిన ఆయనను పోలీసులు అదుపులోకి తీసుకున్నారు. అనుమతి లేకుండా ఓ స్కూల్‌లోకి వెళ్లాడంటూ పోలీసులు ఆయనను అరెస్ట్ చేశారు. సిద్దిఖి అహమద్ డానిష్ ఢిల్లీలో రాయటర్స్‌ న్యూస్ ఏజెన్సీలో ఫొటో జర్నలిస్ట్ గా పనిచేస్తున్నారు. ఉగ్రదాడుల అనంతరం ఇటీవల ఆయన శ్రీలంక వెళ్లారు. నెగొంబోలోని ఓ స్కూలు అధికారులతో మాట్లాడేందుకు ఆయన బలవంతంగా లోపలికి వెళ్లాడని ఆరోపిస్తూ పోలీసులు అదుపులోకి తీసుకున్నారు.
సెయింట్ సెబాస్టియన్ చర్చిలో జరిగిన ఉగ్రదాడిలో ఓ స్కూలు విద్యార్థి ప్రాణాలు కోల్పోయాడు. అతడికి సంబంధించి మరిన్ని వివరాలు సేకరించేందుకు సిద్దిఖీ స్కూలులోకి వెళ్లాడు. ఆ సమయంలో అక్కడే ఉన్న బాధిత విద్యార్థి తల్లిదండ్రులు పోలీసులకు సమాచారం ఇచ్చారు. దీంతో వెంటనే అతన్ని పోలీసులు అదుపులోకి తీసుకున్నారు. అనంతరం నెగొంబో మేజిస్ట్రేట్ ఎదుట ప్రవేశపెట్టారు. ఈ నెల 15 వరకు మేజిస్ట్రేట్ ఆయనకు రిమాండ్ విధించినట్టు తెలిపారు.
మోదీ మళ్లీ ప్రధాని అయితే ఏం చేస్తారోనని భయం: శరద్ పవార్