బాలీవుడ్ నటుడు సోనూసూద్ పై దేశవ్యాప్తంగా ప్రశంసలు కురుస్తున్నాయి. లాక్‌డౌన్ సమయంలో ఎంతో మంది వలస కార్మికులకు అండగా నిలిచాడు. అయితే తాజాగా సోనూ సూద్ రియల్ హీరో అని డైరెక్టర్ పూరీ జగన్నాథ్ ముందే కనిపెట్టారని ఓ నెటిజన్ ట్వీట్ చేశాడు. ప్రభాస్ హీరోగా పూరీ జగన్నాథ్ రూపొందించిన `ఏక్ నిరంజన్` సినిమాలో సోనూసూద్ విలన్‌గా నటించాడు. ఆ సినిమాలోని ఓ సన్నివేశంలో `నేను హీరో` అంటూ సోనూ డైలాగ్ చెబుతాడు. ఆ వీడియోను పోస్ట్ చేసిన ఓ నెటిజన్.. `సోనూసూద్ జనాలతో ఎప్పటికైనా హీరో అనిపించుకుంటాడని మీరు ముందే ఊహించి ఈ డైలాగ్ రాసినట్టుంది పూరీ జగన్ అన్నయ్య. సోనూసూద్ భాయ్.. మీరు రియల్ హీరో` అంటూ ఓ నెటిజన్ కామెంట్ చేశాడు. దానికి స్పందించిన పూరి.. `సోనూ ఎప్పుడూ హీరోనే అని నాకు తెలుసు` అని రిప్లై ఇచ్చారు.
I know Sonu always a hero😀💪🏽 https://t.co/bYOAQb09iJ
— PURIJAGAN (@purijagan) August 1, 2020