తొలిసారి ఓ తెలుగు సినిమా ఇప్పటివరకు ప్రపంచంలో ఏ భాషలో రానటువంటి సరికొత్త కథాంశంతో అసలుసిసలైన థ్రిల్లర్ గా తెరకెక్కుతోన్న చిత్రం ‘A’. ఈ సినిమా ఫస్ట్ లుక్ పోస్టర్‌ను విడుదల చేశారు. అవంతిక ప్రొడక్షన్స్ బ్యానర్ పై రూపొందుతోంది. మొదటి సినిమాలోనే 3 పాత్రల్లో నటిస్తున్న నితిన్ ప్రసన్న దీన్ని ఒక ఛాలెంజ్‌గా తీసుకుని, పాత్రల మధ్య వ్యత్యాసం కొరకు ఎన్నో గెటప్స్‌ని ట్రై చేస్తూ, నెలల తరబడి రెహార్సల్స్ చేశాడు. బడ్జెట్ పరిమితిని దాటకుండా, సాధ్యమైనంత వరకు వీఎఫ్ఎక్స్‌ ఉపయోగాన్ని తగ్గించి, పాత కెమెరా ట్రిక్‌లను ఉప‌యోగించి మూడు పాత్రలు గల సన్నివేశాలని చిత్రీకరించారు. దీనికోసం సినిమాలోని ప్రతి ఫ్రేమ్‌కు స్టోరీబోర్డ్ గీయించారు. ఈ సంద‌ర్భంగా డైరెక్టర్ యుగంధర్ ముని మాట్లాడుతూ… ఈ సన్నివేశాల చిత్రీకరణకు ప్రముఖ దర్శకులు సింగీతం శ్రీనివాసరావుగారిని ఆదర్శంగా తీసుకున్నానన్నారు. కంటెంట్ పరంగా తెలుగు సినిమా స్థాయిని మా ‘A’ చిత్రం మరింత పెంచేలా ఉంటుందని గర్వంగా చెప్పగలమన్నారు.
ఇంట్రెస్టింగ్ గా ‘A’ ఫస్ట్ లుక్
