ఫుల్ జోష్ లో “ఓ బేబీ” టీమ్… కాంబినేషన్ రిపీట్

దర్శకురాలు నందిని రెడ్డి దర్శకత్వంలో సమంత ప్రధాన పాత్రలో “ఓ బేబీ” అనే సినిమాను తెరకెక్కించారు. “ఎంత సక్కగున్నావే” అనేది ట్యాగ్ లైన్. “మిస్ గ్రానీ” అనే కొరియన్ సినిమాను నందిని రెడ్డి రీమేక్ చేశారు. మిక్కి జె.మేయ‌ర్ సంగీతం అందించిన ఈ చిత్రానికి రిచ‌ర్డ్ ప్ర‌సాద్ సినిమాటోగ్ర‌ఫీ అందించారు. పీపుల్ మీడియా ఫ్యాక్టరీ, సురేశ్ ప్రొడక్షన్స్ సంయుక్తంగా నిర్మిస్తున్న ఈ సినిమాలో సీనియర్ హీరోయిన్ లక్ష్మి ఈ సినిమాలో కీలకమైన పాత్రలో నటించారు. ఊర్వశి, రాజేంద్రప్రసాద్, రావు రమేశ్, నాగశౌర్య ముఖ్యమైన పాత్రల్లో నటించారు. ఈ నెల 5న వరల్డ్ వైడ్ గా గ్రాండ్ గా రిలీజ్ అయ్యింది. సినిమా అంచ‌నాల‌ను అందుకుంటూ ఘ‌న విజ‌యంగా నిలిచింది. ఎమోష‌న‌ల్‌తో పాటు ప‌లు కామెడీ సన్నివేశాల‌తో రూపొందిన ఈ చిత్రం ప్రేక్ష‌కుల‌ని ఎంత‌గానో అలరిస్తుంది. ఈ సినిమాలో సమంత నటనకు సినీ అభిమానులే కాక సెల‌బ్రిటీలు కూడా ప్రశంసల వర్షం కురిపించారు. ఇప్పటికి ఈచిత్రం మంచి కలెక్షన్లతో దూసుకెళ్తోంది. ఈ చిత్రం విజయంతో జోరు మీదున్న వీరి కాంబో మరోసారి రిపీట్ అవుతుందని తెలుస్తోంది. ఇందుకు సంబంధించిన ప్రయత్నాలను కూడా ప్రారంభించినట్లు సమాచారం. దర్శకురాలు నందినిరెడ్డి… ఓ కథను కూడా సిద్ధం చేశారట. ఈ కథను సమంతకు కూడా వినిపించారట. మరి వీరిద్దరిని కాంబోని మరోసారి తెలుగు ప్రేక్షకులు చూడబోతున్నారని అర్ధమవుతోంది. ఏం జరుగుతుందో వేచి చూడాలి.