మెగా హీరో సాయిధరమ్ తేజ్ వరుస సినిమాలతో బిజీగా మారిపోయాడు. అతడి నూతన చిత్రం సోలో బ్రతుకే సో బెటర్ ఇంకా విడుదల కాకముందే మరో చిత్రాన్ని ఓకే చేశాడు. గ్రీన్ సిగ్నల్ ఇవ్వడమే కాదు పూజా కార్యక్రమాలతో ప్రారంభించారు కూడా. ఈ సినిమా ఓ మిస్టికల్ థ్రిల్లర్‌గా రూపొందనుంది. ఈ చిత్రానికి కార్తీక్ వర్మ దర్శకత్వం వహించనున్నాడు. కార్తీక్ వర్మ భమ్ బోలేనాథ్ సినిమాతో పేరు తెచ్చుకున్నాడు. అంతేకాకుండా ఈ సినిమాకు స్టార్ డైరెక్టర్ సుకుమార్ స్క్రీన్ ప్లే అందించనున్నారు. ఈ సినిమా శ్రీ వెంకటేశ్వరా సినీ చిత్ర బ్యానర్‌పై బీవీఎస్ఎన్ ప్రసాద్, సుకుమార్ రైటింగ్స్ జెండాపై సుకుమార్‌లు కలిసి నిర్మించనున్నారు. ఈ సినిమాను లాంఛనంగా హైదరాబాద్ కార్యాలయంలో పూజా కార్యక్రమాలతో మొదలుపెట్టారు. అయితే ఈ సినిమా తేజ్‌కు చాలా స్పెషల్‌గా చెప్పుకోవచ్చు. ఎందుకంటే తేజ్ తన సినీ కెరీర్‌లో మొట్టమొదటి సారి మిస్టికల్ థ్రల్లర్ కథాంశంతో సినిమా చేయనున్నాడు. మరి సరికొత్త సంవత్సరానికి సరికొత్త ప్రయోగంతో ప్రేక్షకుల ముందుకు వచ్చేందుకు తేజ్ రెడీ అవుతున్నాడు. ఈ సినిమాలోని నటీనటులను ఇంకా ఎంపికచేయలేదు. మరి ఈ ప్రయేగం ఎంతవరకు విజయం సాధిస్తుందో చూడాలి.
దూకుడు పెంచిన సాయిధరమ్ తేజ్
