మాజీ కెప్టెన్ సౌరవ్ గంగూలీ వరల్డ్ కప్ క్రికెట్ పోటీల్లో సెమీఫైనల్స్ కు పాకిస్థాన్ చేరే అవకాశాలున్నాయని అంచనా వేశారు. ఇండియాతో పాటు ఆస్ట్రేలియా, ఇంగ్లండ్, పాకిస్థాన్ జట్లు సెమీస్ కు చేరుతాయని భావిస్తున్నానని, ఈ జట్లలో ఒకరికి కప్ దక్కుతుందని పీటీఐకి ఇచ్చిన ఇంటర్వ్యూలో ఆయన అభిప్రాయపడ్డారు. గతంలో జరిగిన పోటీలతో పోలిస్తే, ఈ సారి మరింత కఠినంగా పోరు సాగుతుందని వ్యాఖ్యానించిన ఆయన, భారత జట్టు అన్ని రంగాల్లోనూ బలంగా కనిపిస్తోందని చెప్పుకొచ్చారు.
సులభంగా భావించే జట్లేవీ లేవని, ఏ జట్టుపైన అయినా విజయం కోసం చెమటోడ్చాల్సిందేనని అన్నారు. ఈ దఫా వరల్డ్ కప్ రౌండ్ రాబిన్ లీగ్ పద్ధతిలో సాగనుందన్న సంగతి తెలిసిందే. ప్రతి జట్టూ మిగతా అన్ని జట్లతో ఒక్కో మ్యాచ్ ఆడతాయి. టాప్ 4 స్థానాల్లో నిలిచే జట్లు సెమీస్ కు చేరుతాయి.