“పేట” సెన్సార్ పూర్తి… ప్రీ రిలీజ్ డేట్ ఖరారు

సూపర్ స్టార్ రజినీకాంత్ నటిస్తున్న తాజా చిత్రం “పెట్టా”. ఈ చిత్రంలో తలైవా సరసన సిమ్రాన్, త్రిష నటిస్తున్న విషయం తెలిసిందే. కార్తీక్ సుబ్బరాజ్ దర్శకత్వం వహిస్తున్న ఈ సినిమాకు అనిరుధ్ సంగీతం అందిస్తున్నారు. తాజాగా ఈ సినిమా తమిళ ట్రైలర్ ను విడుదల చేశారు చిత్రబృందం. ఈ చిత్రంలో త్రిష, సిమ్రాన్, నవాజుద్దీన్ సిద్ధిఖీ, విజయ్ సేతుపతి, బాబీ సింహా తదితరులు ప్రధాన పాత్రల్లో నటిస్తున్నారు. ఇటీవల తమిళ, తెలుగు ట్రైలర్లను విడుదల చేశారు చిత్రబృందం. వాటికి ప్రేక్షకుల నుంచి మంచి స్పందన లభించింది. ఈనెల 10న ఈ సినిమా విడుదలకు సిద్ధమవుతోంది. మరోవైపు తమిళనాట అజిత నటించిన “విశ్వాసం” కూడా విడుదలకు సిద్ధంగా ఉంది. ఇక తెలుగులో కూడా “పేట” చిత్రానికి గట్టిపోటీ ఉంది. ఇప్పటికే తెలుగు వెర్షన్ సెన్సార్ కార్యక్రమాలను పూర్తి చేసుకున్న ఈ సినిమాకు యు/ఎ సర్టిఫికేట్ లభించింది. ఈ క్రమంలోనే “పేట” తెలుగు వెర్షన్ కు సంబంధించిన ప్రీ రిలీజ్ ఈవెంట్ ను నిర్వహించడానికి ముహూర్తాన్ని ఖరారు చేసింది. ఆదివారం రాత్రి 7 గంటలకు హైదరాబాద్ లోని సైబర్ కన్వెన్షన్ లో ప్రీ రిలీజ్ ఈవెంట్ జరగనుంది. పలువురు సినీప్రముఖులు ఈ వేడుకకి హాజరు కానున్నారు.