ప్ర‌ముఖ నిర్మాత ఏక్తాక‌పూర్ సొంత ప్రొడ‌క్ష‌న్ హౌస్ అయిన బాలాజీ ఫిలిమ్స్ లో ప‌నిచేస్తున్న త‌న స‌హోద్యోగులకు స‌హాయం చేయ‌డానికి సంవ‌త్స‌రం జీతం రూ. 2.5 కోట్లు వ‌దులుకుంటున్న‌ట్లు ప్ర‌క‌టించారు ఈ విప‌త్క‌ర స‌మ‌యంలో బాలాజీ టెలిఫిల్మ్స్‌లో పనిచేసే వివిధ ఫ్రీలాన్సర్లు, రోజువారీ వేతన కార్మికులను చూసుకోవ‌డం నా ప్ర‌థ‌మ క‌ర్త‌వ్యంగా భావిస్తున్నాను. వరదలు, ఉగ్రవాద దాడులు, బ్యాంక్ సెలవుదినాల్లో కూడా వీళ్లు ప‌నిచేశారు. మా కార్యాల‌యాన్ని మూసివేయడం ఇదే మొద‌టిసారి. ఈ క‌ష్ట‌కాలంలో వాళ్ల‌ను ఆదుకోవ‌డం చాలా ముఖ్యం. అందుకే నా వంతు సాయంగా ఇది చేస్తున్నాను. ప్ర‌తీ ఒక్క‌రూ బాధ్యత గ‌ల పౌరులుగా ప్రభుత్వ ఆదేశాల‌ను పాటించండి. ఆరోగ్యంగా ఉండండి అంటూ పేర్కొన్నారు.