ఆ వ్యాఖ్యల వల్ల సూసైడ్ చేసుకుందామనుకున్నా… సీనియర్ నటుడు చలపతిరావు

కొన్ని దశాబ్దాలుగా , వందల సినిమాల్లో తనదైన నటనతో ప్రత్యేకమైన ముద్ర వేసిన నటుడు చలపతిరావు. అయితే ఈ సీనియర్ నటుడు “రారండోయ్ వేడుక చూద్దాం” ఆడియో వేడుకలో అమ్మాయిలు పడుకోడానికి తప్ప ఇంకెందుకు పనికిరారు అంటూ ఓ కామెంట్ చేసి విమర్శల పాలయ్యాడు. దాంతో సోషల్ మీడియాలో ఈయనపై ఇష్టమొచ్చినట్లు ట్రోల్ జరిగింది. మహిళా సంఘాలు అయితే చలపతిరావు అనే వ్యక్తి బతకడమే వేస్ట్ అనే స్థాయిలో మండిపడ్డాయి. కొన్ని వందలసార్లు క్షమాపణ చెప్పినా కూడా ఎవరూ కనీసం కనికరించలేదు. మీడియా కూడా తన విషయంలో చాలా ఘోరంగా వ్యవహరించిందని తాజాగా చలపతిరావు అలీతో సరదాగా కార్యక్రమంలో చెప్పుకొచ్చాడు. “మీరు నన్ను బతకనిచ్చేలా లేరు.. సారీ అమ్మా” అని రాయాలనుకున్నానని తెలిపాడు ఈయన. 22 ఏళ్ల వయసులో భార్య చనిపోతే మళ్లీ తాను పెళ్లి చేసుకోలేదని.. అలాంటి తనపై ఇలాంటి నిందలు వచ్చేసరికి తట్టుకోలేకపోయానని చెప్పాడు చలపతిరావు. అప్పట్లో ఈ విషయంపై ఇండస్ట్రీ అంతా ఏకమై ఈ సీనియర్ నటుడికి సపోర్ట్ చేసినా కూడా ఆయన మాటలను మాత్రం అంతా తప్పుబట్టారు. అప్పుడెప్పుడో సంచలనం రేపిన ఈ విషయాన్ని ఇప్పుడు తన కార్యక్రమంలో మరోసారి గుర్తు చేసాడు అలీ.