కరోనా మహమ్మారిని ఎదుర్కొనేందుకు మ‌న‌దేశంలో మే 3 వ‌ర‌కు లాక్‌డౌన్‌ను ప్ర‌క‌టించారు. ఈ సమయంలో ప్ర‌జ‌ల‌కు కేంద్ర, రాష్ట్ర ప్ర‌భుత్వాల‌తో పాటు సెల‌బ్రిటీలు త‌మ వంతు సాయాన్ని అందిస్తున్నారు. తెలుగు సినీ కార్మికుల సహాయార్థం బాలీవుడ్ హీరో అమితాబ్ బచ్చన్ ముందుకొచ్చారు. తన వంతుగా 12000 షాపింగ్ కూపన్స్ విరాళంగా అందించారు. ఒక్కో కూపన్ విలువ 1500 రూపాయ‌లు. అంటే మొత్తంగా దాదాపు 1.8 కోట్ల రూపాయల విలువైన కూపన్స్ ఇవి. వీటిని బిగ్ బజార్‌లో షాపింగ్ చేసేందుకు ఉపయోగించవచ్చు. ఈ మేరకు బిగ్ బీ చేసిన ఈ సాయాన్ని తెలుపుతూ సోషల్ మీడియాలో ట్వీట్ పెట్టారు మెగాస్టార్ చిరంజీవి. కరోనా విలయతాండవం చేస్తున్న ఈ కల్లోల సమయంలో తెలుగు సినీ కార్మికుల సహాయార్థం అమితాబ్ చేసిన ఈ సాయానికి ప్రత్యేక కృతజ్ఞతలు అని చెప్పారు. ఈ కూపన్లను ఉపయోగించి సినీ కార్మికుల కోసం ఆహార పదార్థాలు, నిత్యావసర వస్తువులు కొనుగోలు చేసి పంపిణీ చేస్తామని ఆయన పేర్కొన్నారు.
Amit ji @SrBachchan has arranged 12000 Corona Relief Coupons of Rs1500 each to be distributed to the Daily wage Film workers in Telugu States from the proceeds of #Family.A BIG THANK YOU to ‘BIG B’ for this wonderful initiative.These coupons can be redeemed at #BigBazaar stores pic.twitter.com/XK0vjL38MT
— Chiranjeevi Konidela (@KChiruTweets) April 17, 2020