టాలీవుడ్ స్టార్ హీరోయిన్ సమంత ఓ వైపు సినిమాలు చేస్తూనే మరోవైపు సోషల్ మీడియాలో హవా కొనసాగిస్తోంది. ఎప్పటికప్పుడు భర్త అక్కినేని నాగచైతన్యతో టూర్స్, ఫారెన్ వెకేషన్ ట్రిప్స్ వేస్తూ ఆ ఫొటోలు షేర్ చేసి మాయ చేస్తుంటుంది ఈ ముద్దుగుమ్మ. పెళ్లి తర్వాత వరుస హిట్స్ అందుకున్న సమంత ఇటీవలే ‘జాను’ సినిమాతో ప్రేక్షకుల ముందుకొచ్చి కాస్త నిరాశ చెందింది. డిజిటల్ రంగంలోనూ మార్క్ చూపించాలని ప్లాన్ చేసిన ఆమె త్వరలో ‘ది ఫ్యామిలీ మెన్‌’ వెబ్ సిరీస్ సీజన్‌ 2తో అలరించనుంది. లాక్‌డౌన్‌ కారణంగా షూటింగ్స్ మొత్తం వాయిదా పడటంతో సినీ నటులంతా ఇంట్లోనే ఉంటూ ఈ విరామ సమయాన్ని ఒక్కొక్కరూ ఒక్కోలా వాడుకుంటున్నారు. అయితే సమంత మాత్రం నటనలో ఆన్‌లైన్ శిక్షణ పొందుతోంది. ఈ విషయాన్ని తన ఇన్‌స్టాగ్రామ్‌ ద్వారా తెలిపిన సమంత అందుకు సంబంధించిన పిక్ షేర్ చేస్తూ.. ”1000 గంటల్లో ఒక్క గంటనైనా చక్కగా ఉపయోగించుకున్నప్పుడు అది అందరికీ చెప్పాల్సిందే. ఇక నేను ఉత్తమ నటిగా మారబోతున్నా. అది త్వరలోనే మీరే చూస్తారు. ఒకవేళ అదే జరగక పోతే ఈ పోస్ట్ డిలీట్‌ చేస్తా” అని పేర్కొంది. ఆమె చేసిన ఈ పోస్ట్ క్షణాల్లో వైరల్ అయ్యింది.
“నేను ఉత్తమ నటిగా మారకపోతే…” సమంత సవాల్
