“జబర్దస్త్” నుంచి యాంకర్ అనసూయ వెళ్ళిపోతుంది… ఆమె ప్లేస్‌లో హాట్ యాంకర్ మంజూష ఎంట్రీ ఇస్తుందట అంటూ వస్తున్న రూమర్స్‌పై యాంకర్ అనసూయ స్పందించారు. ఆమె మాట్లాడుతూ.. “జబర్దస్త్ షో హిస్టరీ క్రియేట్ చేసింది.. నేను పోయిన తరువాత కూడా జబర్దస్త్ షో ఉంటుంది. ఆ షోకి అనసూయ అనే యాంకర్ హైప్ తెచ్చిందని చరిత్రలో లిఖించబడింది. అనసూయ అంటే ఓ హిస్టరీ. ప్రస్తుతం జబర్దస్త్‌లో నాగబాబు గారు లేరే అంటే.. అది ఆయన తీసుకున్న నిర్ణయమే. మల్లెమాల అందరికీ ఫ్యామిలీ లాంటిది. లాక్ డౌన్‌లో కూడా జబర్దస్త్ వాళ్లందర్నీ ఫ్యామిలీలా కేర్ చేస్తుంది. లాక్ డౌన్ ముందు… లాక్ డౌన్ తరువాత మల్లెమాలలో ఏం తేడా లేదు. మా అంతట మేం జబర్దస్త్‌ని వద్దని తప్పుకోవడం తప్పితే.. వాళ్లు మాత్రం వద్దని చెప్పరు. నేనైతే జబర్దస్‌ని వద్దనుకోవడం లేదు.. జబర్దస్త్‌ని వదిలే ప్రసక్తే లేదు. చాలా మంది నేను బబర్దస్త్‌ని వదిలేయాలని కోరుకుంటున్నారేమో వాళ్లకి ఇది బ్యాడ్ న్యూస్. నేను జబర్దస్త్ షోకి క్వీన్‌ని. ఇది నా ఓవర్ కాన్ఫిడెన్స్ అనుకోండి, బలుపు అనుకోండి.. ఏదేనా అనుకోండి.. నేనంటే పడనివాళ్లు బలుపు అని అనుకోవచ్చు. నేనంటే ఇష్టపడేవాళ్లు హమ్మయ్య.. థాంక్యూ అని అనుకోవచ్చు. ఎట్టి పరిస్థితుల్లోనూ జబర్దస్త్ అనే ఫ్యామిలీని నేను వదిలిపెట్టను. ఒకసారి ఎఫ్ 2, తరువాత సుయ సుయ అనసూయ సాంగ్ షూటింగ్‌లకు వెళ్లాల్సి వచ్చింది. అదే టైంలో జబర్దస్త్ షూట్ ఉండటం వల్ల ఆ ఎపిసోడ్‌లకు తప్పుకున్నా.. ఆ టైంలో నా ప్లేస్‌ని వేరే వాళ్లతో రీప్లేస్ చేశారు. తరువాత మళ్లీ నేను చేస్తున్నా.. నా పని పట్ల నాకు రెస్పాన్సిబిలిటీ ఉంటుంది.. ప్రేక్షకుల్ని ఎంటర్టైన్ చేయడం నా బాధ్యత. ఒకవేళ నా ప్లేస్‌ని వేరే వాళ్లతో రీప్లేస్ చేసినా రెస్పెక్ట్ చేస్తా. కాని వచ్చే జనవరి 2021 వరకూ జబర్దస్త్ షెడ్యూల్ వచ్చేసింది. నో డౌట్ అప్పటి వరకూ నేనే జబర్దస్త్ యాంకర్’ అంటూ తనపై వస్తున్న రూమర్స్‌కి చెక్ పెట్టారు యాంకర్ అనసూయ.
నో డౌట్ అప్పటి వరకూ నేనే జబర్దస్త్ యాంకర్ : అనసూయ
