తమిళ ప్రేక్షకులను తన కామెడితో కడుపుబ్బా నవ్వించిన నటుడు తవసి కొంతకాలంగా మాయదారి మహమ్మారితో బాధపడుతున్నారు. కొంతకాలంగా క్యాన్సర్తో పోరాడుతున్న ఆయనకు క్యాన్సర్ నాలుగో స్టేజ్లో ఉంది. ఈ క్రమంలో ఆయన బక్కచిక్కిపోయి గుర్తుపట్టలేనందగా మారిపోయారు. దీంతో ఆయన చికిత్సకు ఆర్థిక సాయం చేయాలంటూ తవసి కుమారుడు అరుముగన్ కోలీవుడ్ పెద్దలను ఆర్జించాడు. ఆర్థిక సహాయం కోరుతున్న షాకింగ్ వీడియో సోషల్ మీడియాలో వైరల్ అయ్యింది. తవాసి పరిస్థితి గురించి తెలుసుకున్న తరువాత, తమిళ సూపర్ స్టార్ రజినీకాంత్ వ్యక్తిగతంగా నటుడికి పిలుపునిచ్చారు మరియు తన అభిమానుల క్లబ్ సభ్యుల ద్వారా తనకు ఆర్థికంగా సహాయం చేస్తానని నటుడికి హామీ ఇచ్చాడు మరియు త్వరగా కోలుకోవాలని కోరుకున్నాడు. రజినీ తన సినీ సోదరభావాన్ని మరోసారి రుజువు చేశారు. గతంలోనూ రజినీ చాలా మంది సహనటులకు ఆర్థిక సహాయాన్ని అందచేశారు. కామెడియన్ తవసిని ఆదుకోవడానికి మరికొందరు ప్రముఖులు తమ వంతు సహాయాన్ని చేస్తున్నారు.
previous post
క్రిస్మస్ కానుక ఎత్తేసిన వ్యక్తి జగన్ గారు: నారా లోకేశ్ ట్వీట్