telugu navyamedia
telugu cinema news

తాప్సి “సాండ్‌ కీ ఆంఖ్‌” టీజర్

Taapsee

ప్ర‌స్తుతం బాలీవుడ్‌లో బయోపిక్ లు విజయవంతంగా ఆడుతున్నాయి. తాజాగా తాప్సీ, భూమి పెడ్నేకర్ ప్ర‌ధాన పాత్ర‌ల‌లో “సాండ్‌ కీ ఆంఖ్‌” అనే చిత్రం రూపొందుతుంది. తుషార్‌ హీరానందని దర్శకత్వంలో రూపొందిన ఈ చిత్ర టీజ‌ర్ కొద్ది సేప‌టి క్రితం విడుద‌లైంది. “సాండ్‌ కీ ఆంఖ్‌” చిత్రం ఉత్తర్‌ప్రదేశ్‌కు చెందిన ఇద్దరు షార్ప్‌ మహిళా షూటర్లు చంద్రో, ప్రకాశీ తోమర్‌ల జీవితాధారంగా రూపొందుతుంది. ఈ చిత్రంలో 87 ఏళ్ళ చంద్రో తోమ‌ర్ పాత్ర‌లో తాప్సీ పన్ను న‌టిస్తుండ‌గా, 82 ఏళ్ళ‌ ప్రకాశీ తోమర్ పాత్ర‌లో భూమి పడ్నేక‌ర్ న‌టిస్తున్నారు. ఈ మహిళా షూటర్లకు యూపీలో ‘షూటర్‌ దాదీస్‌’గా మంచి పేరుంది. వారి స్వ‌స్థ‌లం బాగ్ ప‌ట్‌లో మూవీ చిత్రీక‌ర‌ణ కొద్ది రోజుల పాటు జ‌రిపారు. దీపావ‌ళి కానుక‌గా చిత్రం విడుద‌ల కానుంది. ఇందులో అక్కా చెల్లెళ్ళుగా తాప్సీ, భూమి మంచి నటనను కనబరిచారు. ఈ చిత్రంతో ఆమీర్ ఖాన్ సోద‌రి నిఖాత్ ఖాన్ బాలీవుడ్‌కి ప‌రిచ‌యం అవుతుంది. ఇందులో మ‌హారాణి పాత్ర‌లో ఆమె కనిపించ‌నుంద‌ని సమాచారం.

ఉత్త‌ర ప్ర‌దేశ్‌లోని ఓ గ్రామంలో నివ‌సించే అక్కా చెల్లెళ్ళ‌కి చిన్న‌ప్పుడే పెళ్లి కావ‌డంతో త‌మ జీవితం అంతా కుటుంబం కోసం వెచ్చిస్తారు. అయితే త‌మ‌లా మిగతా వారు కాకూడ‌ద‌ని ఆరాట‌ప‌డ‌తారు. ఆ గ్రామంలో చ‌దువుల‌ని అడ్డుకునే వాళ్ళ‌ని తుపాకుల‌తో బెదిరించే వారు చంద్రో, ప్ర‌కాశీ. ఈ క్ర‌మంలో తెలియ‌ని టాలెంట్ త‌మ‌లో ఉంద‌ని గుర్తించిన ఈ ఇద్ద‌రు అక్కా చెల్లెళ్ళు ఓ సారి జాతీయ స్థాయిలో జరిగిన రైఫిల్‌ షూటింగ్‌లో పాల్గొన్నారు. అక్క‌డ నుండి వారి లైఫ్ మారింది. దాదాపు 300లకు పైగా పతకాలు సాధించారు ఈ అక్కా చెల్లెళ్ళు.

Related posts

“బిగ్ బాస్”పై పోలీసులకు గాయత్రి గుప్తా ఫిర్యాదు

vimala p

సోనాలి బింద్రేను కిడ్నాప్ చేయాలనుకున్నాను : షోయబ్ అక్తర్

vimala p

సూర్యకాంతం సినిమా పెద్ద హిట్ కావాలి- విజయ్ దేవరకొండ

vimala p