telugu navyamedia
telugu cinema news

గ్యాంగ్ లీడర్ : స్టేజిపై అనిరుధ్ పాటకు నాని స్టెప్పులు

Gang-Leader

నాని, విక్రమ్.కె.కుమార్ కాంబినేష‌న్‌లో తెర‌కెక్కుతున్న చిత్రం “గ్యాంగ్ లీడ‌ర్”. మైత్రీ మూవీ మేకర్స్ పతాకంపై నవీన్ యెర్నేని, యలమంచిలి రవిశంకర్, మోహన్ చెరుకూరి (సి.వి.ఎం) నిర్మిస్తున్నారు. ఇందులో ఆర్‌ఎక్స్ 100 ఫేమ్ కార్తికేయ కీలక పాత్రను పోషిస్తున్నారు. ప్రియాంక, లక్ష్మి, శరణ్య, అనీష్ కురువిళ్లా, ప్రియదర్శి, రఘుబాబు ప్రధాన పాత్రల్లో నటిస్తున్నారు. ఐదుగురు మహిళలకు నాని లీడర్‌గా, స్టోరీ రైటర్‌గా కనిపించబోతున్నాడు. ఇది ఒక రివేంజ్ డ్రామా అని ట్రైలర్‌ను బట్టి తెలుస్తోంది. మరోసారి విక్ర‌మ్ కే కుమార్ త‌న మార్క్ స్క్రీన్ ప్లేతో సిద్ధ‌మైపోయాడు. ఈ చిత్రానికి సంగీతం అనిరుధ్ రవిచంద్రన్ అందిస్తున్నారు. ఈ చిత్ర ప్ర‌మోష‌న్ కార్య‌క్ర‌మాలు శ‌ర‌వేగంగా సాగుతున్నాయి. ఇప్పటికే విడుదలైన టీజర్, ట్రైలర్, పాటలు సినిమాపై అంచనాలను పెంచాయి. దానికి తగ్గట్లే సినిమా బిజినెస్ కూడా జరుగుతోంది. సెప్టెంబర్ 13న ప్రేక్షకుల ముందుకు రాబోతున్న ఈ సినిమా తాజాగా సెన్సార్ కార్యక్రమాలు పూర్తి చేసుకుంది. నిన్న ఈ చిత్ర ప్రీ రిలీజ్ వేడుక వైజాగ్‌లోని గురుజాడ క‌ళాక్షేత్రంలో ఘ‌నంగా జ‌రిగింది. ఈ కార్య‌క్ర‌మంలో అనిరుధ్ “సీను సిరిగి.. సీట్లు ఇరిగి.. సీటి కొట్టాలోయీ” అనే ప్ర‌మోష‌నల్ సాంగ్‌ని ఆల‌పించ‌గా, ఈ పాట‌కి నాని, ప్రియాంక‌, కార్తికేయ‌లు స్టేజ్‌పైన స్టెప్పులు వేసి అల‌రించాడు. ఆడియ‌న్స్ కూడా లేచి మ‌రీ డ్యాన్స్ చేశారు. ఈ వీడియో ప్రస్తుతం సోషల్ మీడియాలో వైరల్ గా మారింది.

Related posts

శృంగార తార నడుముపై దర్శకుడు అసభ్యంగా…

vimala p

నటుడు అవ్వాలని వచ్చి.. కిడ్నాపర్ అయిన వైనం..

vimala p

ఆర్ఆర్ఆర్ నుంచి కీలక అప్డేట్

vimala p