“సైరా” కోసం విజయ్ సేతుపతి అందుకున్న పారితోషికం

సురేంద‌ర్ రెడ్డి దర్శకత్వంలో చిరంజీవి ప్ర‌ధాన పాత్ర‌లో నటిస్తున్న చారిత్రాత్మ‌క చిత్రం “సైరా న‌ర‌సింహారెడ్డి”. తెలుగు, త‌మిళం, క‌న్న‌డ‌, మ‌ల‌యాళం, హిందీ భాష‌ల‌లో విడుద‌ల కానున్న “సైరా” చిత్రంలో చిరంజీవి, న‌య‌న‌తార‌, అమితాబ్ బ‌చ్చ‌న్‌, సుదీప్‌, విజ‌య్ సేతుప‌తి, జ‌గ‌ప‌తి బాబు, త‌మ‌న్నా ప్ర‌ధాన పాత్ర‌లు పోషించారు. భారీ బ‌డ్జెట్ చిత్రంగా సైరా రూపొంద‌గా, ఈ ప్రాజెక్ట్ కోసం 280 కోట్ల బ‌డ్జెట్ ఖ‌ర్చ‌యింద‌ని ఇన్‌సైడ్ టాక్. చిరంజీవి రెమ్యున‌రేష‌న్ కాకుండా అంత మొత్తం ఖర్చు చేసార‌ని చెబుతుండ‌గా, సినిమా లాభాల‌లో మెగాస్టార్ వాటా పుచ్చుకుంటాడ‌ని అంటున్నారు. ఇప్ప‌టికే చిత్రానికి సంబంధించి ప్రీ రిలీజ్ బిజినెస్ భారీగా జ‌ర‌గ‌గా, కొణిదెల ప్రొడ‌క్ష‌న్ బేన‌ర్‌పై రామ్ చ‌ర‌ణ్ చిత్రాన్ని నిర్మించిన విష‌యం విదిత‌మే. అక్టోబ‌ర్ 2న ప్రేక్ష‌కుల ముందుకు రానున్న ఈ చిత్రం ప్రస్తుతం సెన్సార్ కార్యక్రమాలు కూడా పూర్తి చేసుకుని విడుదలకు సినిమా సిద్ధంగా ఉంది. కాగా “సైరా”లో తమిళనాడు మూలాలు ఉన్న వీరుడిగా నటిస్తున్నాడు విజయ్ సేతుపతి. ఉయ్యాలవాడ తో కలిసి ఆంగ్లేయులపై పోరాడే తమిళుడిగా అతడి లుక్ కూడా పాపులర్ అయ్యింది. అయితే సైరా సినిమా కోసం విజయ్ సేతుపతి తీసుకున్న రెమ్యూనరేషన్ ఎంతనే విషయం ఇప్పుడు టాలీవుడ్‌లో హాట్ టాపిక్‌గా మారింది. కోలీవుడ్‌లో ఒక్కో సినిమాకు దాదాపు రూ. 10 కోట్ల వరకు పారితోషికం అందుకునే విజయ్ సేతుపతి… సైరా సినిమా 3 నుంచి 4 కోట్ల మేర రెమ్యూనరేషన్ అందుకున్నాడని తెలుస్తోంది. సైరా కోలీవుడ్ వర్షన్ మార్కెట్, ఫలితం అంతా విజయ్ సేతుపతిపైనే ఆధారపడి ఉండటంతో… చిత్ర నిర్మాతలు కూడా ఇందుకు ఓకే చెప్పారని సమాచారం.