కాంగ్రెస్ జనరల్ సెక్రటరీ ప్రియాంక గాంధీ ట్వీట్కి ఉత్తరప్రదేశ్ పోలీసులు కౌంటర్ ఇచ్చారు. ఉత్తరప్రదేశ్లోని శాంతి భద్రతలపై ట్విట్టర్ వేదికగా ప్రియాంక స్పందించారు. రాష్ట్రంలో నేరగాళ్లు ఇష్టానుసారంగా వ్య్వాహరిస్తున్నారని, నేరగాళ్ల ఎదుట యూపీ ప్రభుత్వం లొంగిపోయిందేమోననే విషయం పై ప్రియాంక ట్వీట్ చేశారు.
ప్రియాంక ట్వీట్ పై స్పందించిన యూపీ పోలీసులు రెండేళ్లలో అదుపులోకి తీసుకున్న నేరస్తుల జాబితాతో ప్రియాంక ట్వీట్కు సమాధానమిచ్చారు. ఈ రెండేళ్లలో తీవ్రమైన నేరాలకు సంబంధించి 9,225 నేరస్తులను అరెస్టు చేశామని తెలిపారు. రాష్ట్రంలో దోపిడీ, హత్యలు, కిడ్నాపుల వంటి నేరాలు 20 నుంచి 30 శాతం తగ్గాయని పేర్కొన్నారు. నేరస్థులపై కఠిన చర్యలు తీసుకుంటున్నామని ప్రియాంక ట్వీట్కు పోలీసులు సమాధానం ఇచ్చారు.