యువ సామ్రాట్, అక్కినేని అంద‌గాడు నాగార్జునకు అమ్మాయిల ప్యాన్‌ ఫాలోయింగ్ గురించి ప్ర‌త్యేకంగా చెప్ప‌న‌వ‌స‌రం లేదు. ఇక పోతే ఎప్పుడెప్పుడా వ‌స్తుందా అని ఆస‌క్తిగా ఎదురుచూస్తున్న బంగార్రాజు మూవీ సెట్స్ మీద‌కి వ‌చ్చేసింది. ఈ సినిమా షూటింగ్‌లో పాల్గొనేందుకు నాగార్జున రెడీ అవుతున్నాడు.
‘బంగార్రాజు’. సోగ్గాడే చిన్ని నాయనా’కు సీక్వెల్ చేయ‌బోతున్నారు.. 2016లో నాగార్జున హీరోగా కల్యాణ్‌ కృష్ణ దర్శకత్వంలో వచ్చిన ‘సోగ్గాడే చిన్ని నాయనా’ ఆ సంక్రాంతి పండక్కి ఓ మంచి హిట్‌గా నిలిచింది. దీంతో ఈ సినిమాలో నాగార్జున పోషించిన ‘బంగార్రాజు’ అనే పేరు బాగా వైర‌ల్ అయ్యింది.
నాగార్జునకు జోడీగా ర‌మ్య‌కృష్ణ న‌టిస్తుండ‌గా, చైత‌న్య‌కు జోడీగా కృతి శెట్టి న‌టిస్తుంది. ఈ సినిమాలో నాగచైతన్య కీల‌క పాత్ర పోషిస్తున్నాడు. మ‌నం సినిమా త‌రువాత మ‌ళ్ళీ తండ్రీ కొడుకులు ఒకే వేదిక‌పై సంద‌డి చేయ‌నున్నారు. ఈ సినిమా అన్న‌పూర్ణ బ్యాన‌ర్‌పై తెర‌కెక్కుతుంది. ఈ నెల 20న షూటింగ్‌ను మొదలు పెట్టడానికి ప్లాన్ చేస్తున్నారని టాక్ . ఇప్ప‌టికే ఈ సినిమా కోసం ప్ర‌త్యేక‌మైన సెట్స్ కూడా వేస్తున్న‌ట్టు స‌మాచారం.
గతేడాది ఈ సినిమాను సెట్స్ పైకి తీసుకెళ్లాలనుకున్నారు. కానీ క‌రోనా కారణంగా ఈ సినిమా షూటింగ్ ఆలస్యమైంది. మధ్యలో ఈ ప్రాజెక్ట్ ఆగిపోయినట్టు వార్తలు వచ్చాయి. అయితే గ్యాప్ లేకుండా షూటింగ్ చేసి సంక్రాంతి బ‌రిలో ‘బంగార్రాజు’ రాబోతున్న‌ట్టు ప్లాన్ చేస్తున్న‌ట్టు టాక్ వినిపిస్తుంది.
విజయ్ దేవరకొండపై “ఫలక్‌నుమా దాస్‌” కామెంట్స్ ?