సుప్రీమ్ హీరో సాయి ధరమ్ తేజ్, ఇస్మార్ట్ బ్యూటీ నభా నటేష్ జంటగా నటిస్తున్న చిత్రం ‘సోలో బ్రతుకే సో బెటర్’. సుబ్బు దర్శకత్వంలో రూపొందుతున్న ఈ సినిమాని శ్రీ వెంకటేశ్వర సినీ చిత్ర ఎల్ఎల్‌పి (SVCC) బ్యానర్‌పై బీవీఎస్ఎన్ ప్రసాద్ నిర్మిస్తున్నారు. తమన్ సంగీతం సమకూరుస్తున్నారు. మే 1వ తేదీన విడుదల కావాల్సిన ఈ మూవీ లాక్‌డౌన్ కారణంగా వాయిదా పడింది. థియేటర్స్ రీ ఓపెన్ కాగానే ఈ సినిమాను విడుదల చేయాలని సన్నాహాలు చేస్తున్నారు మేకర్స్. తాజాగా ఈ చిత్రంలోని రెండో పాట ”హే.. ఇది నేనేనా” విడుదల చేశారు. ”అంత స్ట్రిక్ట్‌గా సోలో బ్రతుకు సో బెటర్ అని అందరికీ చెప్పే విరాట్‌కి అమృత‌ని చూసాక ఏమైంది ???” అనే కాన్సెప్ట్‌తో సాగిపోతున్న ఈ సాంగ్, థమన్ అందించిన బీట్స్ అందరినీ ఆకట్టుకుంటున్నాయి. సిద్ శ్రీరామ్ ఆలపించిన ఈ పాటకు రఘరాం అందించిన లిరిక్స్ ప్రాణం పోశాయి. థమన్ బాణీలు మ్యూజిక్ ప్రియులకు కొత్త ఫీల్ తీసుకొచ్చాయి. ఈ సాంగ్ వీడియోను తన ట్విట్టర్ ఖాతాలో షేర్ చేసిన సాయి ధరమ్ తేజ్.. ”అమృత ప్రేమలో పడిన విరాట్ మనసులో మాట…ఈ పాట..” అని పేర్కొన్నారు. విడుదలైన కాసేపట్లోనే ఈ సాంగ్ సోషల్ మీడియాలో వైరల్‌గా మారింది.
”హే.. ఇది నేనేనా” అంటున్న సాయిధరమ్ తేజ్
