మాస్ డైరెక్టర్ బోయపాటి శ్రీను దర్శకత్వంలో స్టైలిష్ స్టార్ అల్లు అర్జున్ హీరోగా రూపొందిన చిత్రం “సరైనోడు”. గీతా అర్స్ నిర్మించిన ఈ చిత్రంలో రకుల్ ప్రీత్ సింగ్, క్యాథెరిన్ ట్రెసా హీరోయిన్లుగా నటించగా థమన్ సంగీతం అందించాడు. పక్కా మాస్ ఎంటర్ టైనర్ గా ప్రేక్షకుల ముందుకు వచ్చిన ఈ చిత్రం 70కోట్ల షేర్ వసూళ్లను రాబట్టి బ్లాక్ బాస్టర్ విజయాన్నిసాధించింది. ఇక ఈ చిత్రం తాజాగా తెలుగు ఇండస్ట్రీ లో ఇప్పట్లో దాదాపు ఎవరికి సాధ్యం కాని రికార్డును సృష్టించింది. ఈ సినిమా హిందీ డబ్బింగ్ శాటిలైట్ రైట్స్ ను గోల్డ్ మైన్ టెలీఫిల్మ్స్ సొంతం చేసుకుంది. ఆ తరువాత హిందీ వెర్షన్ ను యూట్యూబ్ లో అప్లోడ్ చేయగా అతి తక్కువ సమయంలో కాలంలోనే 170 మిలియన్ వ్యూస్ ను రాబట్టి కొత్త రికార్డు సృష్టించింది. ఒక టాలీవుడ్ సినిమా కు ఈ రేంజ్ లో వ్యూస్ రావడం అదే తొలిసారి. ఆ తరువాత ఎందుకో ఈ సినిమాను యూట్యూబ్ నుండి తొలగించారు. అయితే కొద్దీ రోజుల క్రితం మళ్ళీ అప్ లోడ్ చేయగా ఈరోజుతో 200 మిలియన్స్ వ్యూస్ ను రాబట్టి చరిత్ర సృష్టించింది. నార్త్ లో ఈ రేంజ్ లో వ్యూస్ ను రాబట్టిన టాలీవుడ్ సినిమా కూడా ఇదే. తెలుగుతో పాటు మలయాళంలో కూడా ఫ్యాన్ ఫాలోయింగ్ ను పెంచుకున్న అల్లు అర్జున్ ఇప్పుడు బాలీవుడ్ లో కూడా క్రేజీ హీరోగా మారిపోయాడు.
అల్లు అర్జున్ “సరైనోడు” అరుదైన రికార్డు
