“జబర్ధస్త్” కామెడీ షో తెలుగు ప్రేక్షకులను ఎంతగా అలరిస్తుందో అందరికీ తెలిసిన విషయమే. తాజాగా ఈ ప్రోగ్రామ్లో ఆడ వేషంతో అలరించే వినోద్పై హత్యాయత్నం జరిగింది. కాచిగూడ పోలీస్ స్టేషన్ పరిధిలో ఈ సంఘటన చోటు చేసుకుంది. గాయాలతోనే వినోద్ హైదరాబాద్లోని కుత్బిగూడలో అతను అద్దెకు ఉంటున్న ఇంటి ఓనర్ వినోద్ పై హత్యాయత్నం చేసినట్టు కాచిగూడ పోలీసులకు ఫిర్యాదు చేసాడు. ఈ ఘటనలో వినోద్ కంటి భాగంలో తీవ్ర గాయమైంది.వినోద్, ఓనర్ కు ఇంటిని ఖాళీ చేసే విషయంలో వివాదం గత కొంత కాలంగా వివాదం కొనసాగుతోంది. తన ఇంటికి ఖాళీ చేయాలని ఇప్పటికే పలుమార్లు ఇంటి ఓనర్ ఆదేశించినా వినోద్ వినిపించుకోలేదు. నేను కోర్టుకైనా వెళతాను కానీ ఇంటిని మాత్రం ఖాళీ చేయను అని వినోద్ చెప్పాడట. ఈ విషయంలో ఇరువురు మధ్య నేడు మాటా మాటా పెరిగి పెద్ద గొడవ జరిగింది. ఆగ్రహంతో రెచ్చిపోయిన ఇంటి ఓనర్ ఇనుప రాడ్ తో వినోద్ పై దాడికి తెగబడ్డాడు. దీనితో వినోద్ కు తలపై, కంటి భాగంలో గాయాలయ్యాయి. ప్రస్తుతం ఇంటి ఓనర్ పరారీలో ఉన్నట్లు పోలీసులు చెబుతున్నారు. వినోద్ చికిత్స పొందుతున్నాడు. గతంలో అతని ఫ్యామిలీ మెంబర్స్ అతనికి పెళ్లి చేయడానిక ప్రయత్నించగా వినోద్ చేతి మణికట్టును కోసుకొని ఆత్మహత్యకు పాల్పడిన ఘటన అప్పట్లో పెద్ద సంచలనమే రేపింది. తాజాగా వినోద్ అద్దెకు ఉంటున్న ఓనర్ అతనిపై దాడికి పాల్పడటం గమనార్హం.
