ఏపీలో అధికారంలో ఉన్న వైసీపీలో అంతర్గత విబేదాలు రోజురోజుకూ పెరిగిపోతున్నాయి. ఇరువర్గాల మధ్య ఆధిపత్య పోరు తీవ్ర స్థాయికి చేరుకుంది. అనంతపురం జిల్లాలో వైసీపీకి చెందిన రెండు వర్గాల మధ్య తీవ్ర ఘర్షణ చోటుచేసుకుంది. ఈ ఘటన పుట్లూరు మండలం గరుగుచింతలపల్లిలో జరిగింది.
పెద్దిరెడ్డి, భోగతి నారాయణరెడ్డిల మధ్య జరిగిన ఘర్షణ పరస్పర దాడులకు దారి తీసింది. ఇరు వర్గీయులు కర్రలతో కొట్టుకున్నారు. ఈ ఘటనలో నలుగురికి తీవ్ర గాయాలు కాగా, ముగ్గురి పరిస్థితి విషమంగా ఉంది. ఘటన నేపథ్యంలో గ్రామంలోని పరిస్థితి ఉద్రిక్తంగా మారింది. ఈ క్రమంలో ఏంజరుగుతుందోనని గ్రామస్తులు జంకుతున్నారు.