లాక్‌డౌన్ కారణంగా థియేటర్స్ మూతపడటంతో ఆన్‌లైన్ వేదికలకు డిమాండ్ పెరిగింది. ఓటీటీ, ఆన్‌లైన్ ప్లాట్‌ఫామ్స్‌పై సినిమాలు చూసేందుకు ఆసక్తి చూపుతున్నారు ఆడియన్స్. దీంతో వర్మ ‘ఆర్జీవీ వరల్డ్ థియేటర్’ ఓపెన్ చేసి ఆ వేదికపై వరుస సినిమాలు రిలీజ్ చేస్తున్నారు. ఇప్పటికే క్లైమాక్స్, నగ్నం లాంటి అడల్ట్ కంటెంట్ సినిమాలతో రచ్చ చేసిన వర్మ.. ఇప్పుడు అడల్ట్ కంటెంట్‌కి థ్రిల్లింగ్ అంశాలు జోడించి ‘థ్రిల్లర్’ మూవీ ద్వారా ప్రేక్షకుల ముందుకు రాబోతున్నారు. ఈ మూవీలో హీరోయిన్ అప్సర రాణి అందాల విందు, రొమాంటిక్ డోస్ పుష్కలంగా ఉండనుందని ఇప్పటికే పలు పోస్టర్స్ ద్వారా కన్ఫర్మ్ చేశారు. ఈ సినిమా ఆగస్టు 14వ తేదీ రాత్రి 9 గంటలకు రిలీజ్ చేస్తున్నట్లు ప్రకటించిన వర్మ.. ఆర్జీవీ వరల్డ్ థియేటర్, శ్రేయాస్ ప్లాట్‌ఫాంలలో ఈ మూవీ చూడొచ్చని, ఒక్కో వ్యూ కోసం 200 రూపాయలు చెల్లించాలని పేర్కొన్నారు. ఈ మేరకు టికెట్ బుకింగ్స్ షురూ చేసి తాజాగా ప్రేక్షకులను ఆకట్టుకునే ఓ బంపర్ ఆఫర్ ప్రకటించారు. ”వెంటనే థ్రిల్లర్ టికెట్స్ బుక్ చేసుకోండి. 20 మంది లక్కీ విన్నర్స్ అప్సరా రాణితో పాటు ఆర్జీవీని కలిసే ఛాన్స్ కొట్టేయండి” అంటూ ఓ పోస్టర్ ద్వారా తెలిపారు. దీంతో హాట్ బ్యూటీని కలిసే ఛాన్స్ కోసం నెటిజన్లు పోటీ పడుతున్నారు.
— Ram Gopal Varma (@RGVzoomin) August 11, 2020