ఇళయ దళపతి విజయ్ హీరోగా ఇటీవల ‘ఖైదీ’ చిత్రంతో ఆకట్టుకున్న లోకేష్ కనకరాజ్ దర్శకత్వంలో తెరకెక్కుతున్న సినిమా ‘మాస్టర్’. ఎక్స్ బి ఫిలిమ్ క్రియేటర్స్ బ్యానర్‌పై ఎంతో ప్రతిష్టాత్మకంగా తెరకెక్కుతున్న ఈ యాక్షన్ డ్రామాలో విజయ్ సరసన మాళవిక మోహనన్ హీరోయిన్‌గా నటిస్తుండగా ఆండ్రియా జెరెమియా, అర్జున్ దాస్, నాజర్, సంజీవ్, సంతానం ఇతర పాత్రల్లోనూ, ‘మక్కల్ సెల్వన్’ విజయ్ సేతుపతి విలన్‌గా నటిస్తున్నారు. ఈ చిత్రం షూటింగ్‌, రీరికార్డింగ్‌, డబ్బింగ్‌ పూర్తయి తెలుగు, తమిళ భాషల్లో విడుదలకు సిద్ధంగా ఉంది. అయితే ఈ చిత్రాన్ని ఓటీటీలో విడుదల చేయడానికి తీవ్ర ప్రయత్నాలు జరుగుతున్నాయి. అమెజాన్‌ ప్రైమ్‌ వీడియో సహా అన్ని ఓటీటీ సంస్థలు ‘మాస్టర్’ చిత్రాన్ని కొనేందుకు పోటీపడుతున్నాయి. ఈ నేపథ్యంలో విజయ్ తాజాగా మరో సినిమాను ప్రకటించాడు. నెల్సన్‌ దిలీప్‌ కుమార్‌ ఈ సినిమాకు దర్శకత్వం వహించనున్నారు. ప్రముఖ నిర్మాణ సంస్థ సన్‌ పిక్చర్స్‌ ఈ చిత్రాన్ని నిర్మిస్తోంది. పండుగ తర్వాత ఈ సినిమా పనులు మొదలు కానున్నాయి. అన్నీ ప్లాన్‌ ప్రకారమే జరిగితే ఈ సినిమా వచ్చే దీపావళికి రిలీజ్‌ చేయాలని భావిస్తున్నారట నిర్మాతలు. దీంతో విజయ్ ఫ్యాన్స్‌ చాలా ఖుషిగా ఉన్నారట.
మరో సినిమాకు ఓకే చెప్పిన మాస్టర్
