telugu navyamedia
ట్రెండింగ్ సినిమా వార్తలు

సెంట్రల్ బోర్డ్ ఆఫ్ ఫిల్మ్ స‌ర్టిఫికేష‌న్ ప్రాంతీయ అధికారిగా బాలకృష్ణ

Balakrishna

సెంట్రల్ బోర్డ్ ఆఫ్ ఫిల్మ్ స‌ర్టిఫికేష‌న్ ప్రాంతీయ అధికారిగా వి. బాల‌కృష్ణ గురువారం బాధ్యత‌లు స్వీక‌రించారు. ఇండియన్ ఇన్ఫర్మేష‌న్ స‌ర్వీస్ అధికారి అయిన బాల‌కృష్ణ ఇంత‌కు ముందు స‌మాచార, ప్రసార మంత్రిత్వ శాఖలో క్షేత్ర ప్రచార అధికారిగా, యోజ‌న తెలుగు మాస ప‌త్రిక ఎడిట‌ర్‌గా, ఆల్ ఇండియా రేడియో న్యూస్ ఎడిట‌ర్‌గా, ప‌త్రికా స‌మాచార కార్యాల‌యంలో డిప్యూటీ డైరెక్టర్‌గా ప‌ని చేశారు. అలాగే, ఇద్దరు ఉప రాష్ట్రప‌తుల వ‌ద్ద ఇన్ఫర్మేష‌న్ ఆఫీసర్‌గా ప‌ని చేసి బ‌దిలీపై హైదారాబాద్ సెన్సార్ బోర్డు ప్రాంతీయ అధికారిగా నియ‌మితుల‌య్యారు. ఇప్పటి వరకు సీబీఎఫ్‌సీ హైదరాబాద్ రీజినల్ ఆఫీసర్‌గా పి.వి.ఆర్. రాజశేఖరం ఉన్నారు. 2016 సెప్టెంబర్ నుంచి ఆయన కొనసాగుతున్నారు. ఇప్పుడు ఆయన స్థానాన్ని బాలకృష్ణ భర్తీ చేశారు. బాధ్యతలు స్వీకరించిన సందర్భంగా బాలకృష్ణ మాట్లాడుతూ.. ఇక నుండి ఎలాంటి జాప్యం లేకుండా సెన్సార్ ధృవీక‌ర‌ణ ప‌త్రం మంజూరుకు కృషి చేస్తాన‌న్నారు.

Related posts