మెగా పవర్ స్టార్ రామ్ చరణ్ సతీమణి ఉపాసన అపోలో లైఫ్ వైస్ చైర్పర్సన్గా బాధ్యతలు నిర్వర్తిస్తోన్న విషయం తెలిసిందే. బి-పాజిటివ్ అనే మ్యాగజైన్ కు ఎడిటర్-ఇన్-చీఫ్గా ఉన్నారు. తాజాగా ఆమె ‘URLife’ అనే ఆల్ ఇన్ వన్ వెల్నెస్ ప్లాట్ఫాంను స్థాపించారు. ఈ ప్లాట్ఫాం ద్వారా ప్రజలకు ఎలాంటి పోషకాహారం తీసుకోవాలో చెబుతున్నారు. దీని కోసం సమంత అక్కినేని సాయం కూడా తీసుకుంటున్నారు ఉపాసన. అయితే, ఈ ప్లాట్ఫాం ద్వారా తన లక్ష్యాన్ని చేరుకునేందుకు భర్త రామ్ చరణ్ను కూడా రంగంలోకి దించుతున్నారు ఉపాసన. “మన ఊరు మన బాధ్యత” అనే నినాదంతో గ్రామాల్లో దాగి ఉన్న ప్రతిభను ప్రపంచానికి చూపించేందుకు ఉపాసన సిద్ధమయ్యారు. దివ్యాంగులైన అమ్మాయిలు, అబ్బాయిలకు URLife ప్లాట్ఫాం ద్వారా టాలెంట్ షోను నిర్వహిస్తున్నారు. మానసికంగా, భౌతికంగా దివ్యాంగులైన ప్రతి ఒక్కరిలో ఏదో ఒక టాలెంట్ దాగి ఉంటుంది. అలా డ్యాన్స్ టాలెంట్ ఉన్న దివ్యాంగులను ప్రోత్సహించడానికి ఈ షోను ఏర్పాటు చేశారు. ఈ షోలో దిగ్గజ కొరియోగ్రాఫర్లు ఫరా ఖాన్, ప్రభుదేవాతో పాటు రామ్ చరణ్ భాగం కానున్నారు. ఈ టాలెంట్ షోను ఆన్లైన్ ద్వారా నిర్వహించనున్నారు. ఈ షోలో పాల్గొనడానికి ముందుగా రిజిస్ట్రేషన్ చేసుకోవాలి. అక్టోబర్ 15 లోగా urlife.co.in వెబ్సైట్లో రిజిస్ట్రేషన్ చేసుకోవాలి. ఈ డ్యాన్స్ షోను రెండు విభాగాల్లో నిర్వహిస్తున్నారు. మానసిక దివ్యాంగులు, భౌతిక దివ్యాంగులుగా కేటగిరీలను విడదీశారు. రిజిస్ట్రేషన్ చేసుకోవడానికి ప్రభుత్వం మంజూరు చేసిన దివ్యాంగ ధ్రువీకరణ పత్రం, ఒక ఫొటోగ్రాఫ్ తప్పనిసరి.
Introducing #healurlifethroughdance a celebration of our Divyang brothers & sisters through dance!
An online talent show, that inspires us to stay positive during these uncertain times
Entries : https://t.co/eIXHGiUkkw @AlwaysRamCharan @TheFarahKhan @PDdancing @urlife_co_in pic.twitter.com/JUE8DtZRVh
— Upasana Konidela (@upasanakonidela) October 5, 2020