ఈ బ్యాంకులో అతి తక్కువ వడ్డీకే హోమ్ లోన్స్…!

అతిపెద్ద దేశీయ బ్యాంక్ స్టేట్ బ్యాంక్ ఆఫ్ ఇండియా (SBI), ప్రైవేట్ రంగ దిగ్గజ బ్యాంక్ హెచ్‌‌డీఎఫ్‌సీ బ్యాంక్ ల కన్నా తక్కువ వడ్డీకే మరో బ్యాంక్ హోమ్ లోన్స్ అందిస్తోంది. దీంతో ఇప్పుడు హోమ్ లోన్ తీసుకొని సొంతింటి కల సాకారం చేసుకోవాలని భావించే వారికి మంచి ఆఫర్ అందుబాటులో ఉందని చెప్పుకోవచ్చు. యూనియన్ బ్యాంక్ ఆఫ్ ఇండియా తాజాగా హోమ్ లోన్ వడ్డీ రేట్లను తగ్గించేసింది. దీంతో ఇప్పుడు మీరు ఈ బ్యాంక్‌లో ఇంటి కోసం లోన్ తీసుకుంటే వడ్డీ రేటు 6.7 శాతం నుంచి ప్రారంభమౌతోంది. ఇప్పటిదాకా ఎస్‌బీఐలో హోమ్ లోన్స్ తక్కువ వడ్డీకే లభించేవి. కానీ ఇకపై యూనియన్ బ్యాంక్‌లో చౌక వడ్డీకే హోమ్ లోన్స్ పొందొచ్చు. వేతనజీవులు 6.7 శాతం వడ్డీకే హోమ్ లోన్ పొందొచ్చని యూనియన్ బ్యాంక్ తెలిపింది. రూ.30 లక్షల వరకు రుణానికి ఈ వడ్డీ రేటు లభిస్తుంది. అయితే ఈ వడ్డీ రేటుకే లోన్ పొందాలంటే రెండు షరతులు ఉన్నాయి. ఒకటేమో క్రెడిట్ స్కోర్ 700కు పైన ఉండాలి. రెండోదేమో మహిళలకు మాత్రమే ఈ వడ్డీ వర్తిస్తుంది. అదే హోమ్ లోన్ రూ.30 లక్షలకు పైన రూ.75 లక్షల లోపు అయితే అప్పుడు వడ్డీ రేటు 6.95 శాతంగా ఉంటుంది. ఇక రూ.75 లక్షలకు పైన రుణానికి వడ్డీ రేటు 7 శాతంగా వర్తిస్తుంది. ఇక స్టేట్ బ్యాంక్‌లో హోమ్ లోన్స్‌పై వడ్డీ రేటు 6.95 శాతం నుంచి ప్రారంభమౌతోంది.