telugu navyamedia
సినిమా వార్తలు

“ఉద్ఘర్ష” తెలుగు ట్రైలర్

Udgharsha

రాజమౌళి దర్శకత్వంలో వచ్చిన “ఈగ” సినిమాలో విలన్ గా నటించారు సుదీప్. కన్నడంలో సుదీప్ స్టార్ హీరో అయినప్పటికీ తెలుగులో మాత్రం “ఈగ” సినిమాతో విలన్ గా పరిచయమయ్యారు. తాజగా సుదీప్ ఓ సస్పెన్సు థ్రిల్లర్ చిత్రాన్ని సమర్పిస్తున్నారు. కన్నడ దర్శకుడు సునీల్ కుమార్ దేశాయ్ చెప్పిన కథ నచ్చడంతో సుదీప్ సినిమాకు సంబంధించిన మొత్తం పెట్టుబడి పెట్టినట్లుగా తెలుస్తోంది. “ఉద్ఘర్ష” టైటిల్ తో తెరకెక్కుతున్న ఈ చిత్రంలో థాకూర్‌ అనూప్‌ సింగ్‌, సాయి ధన్సిక, శ్రద్ధాదాస్‌, తాన్య హోప్‌, కిషోర్‌ కీలకమైన పాత్రల్లో నటిస్తున్నారు. తాజాగా “ఉద్ఘర్ష” చిత్రం తెలుగు ట్రైలర్ ను విడుదల చేశారు. “అందరూ కొత్త ఏడాది సంబరాల్లో మునిగి తేలుతున్న సమయంలో జరిగిన ఓ హత్య వారిని ఒక వేరొక దారిలోకి తీసుకెళ్లింది” అంటూ చెప్పే గంభీరమైన గొంతుతో చెప్పే డైలాగ్ తో ట్రైలర్‌ ప్రారంభమైంది. ట్రైలర్ ఆసక్తికరంగా సాగింది. సంజయ్‌ చౌదరి సంగీతం అందిస్తున్న ఈ చిత్రాన్ని దేవరాజ్‌ నిర్మిస్తున్నారు. మరి మీరు కూడా ట్రైలర్ ను చూసేయండి.

Related posts