telugu navyamedia
ట్రెండింగ్ సినిమా వార్తలు

అక్షయ్ భార్య పై ట్రోలింగ్… ఘాటుగా స్పందించిన ట్వింకిల్

Twinkle

ప్రముఖ కొరియోగ్రాఫర్, నటుడు, దర్శకుడు రాఘవ లారెన్స్ ప్రధాన పాత్రలో నటించిన “కాంచన”కు హిందీ రీమేక్ గా “లక్ష్మీ బాంబ్” ప్రాజెక్ట్ ను తెరకెక్కిస్తున్నారు. ఈ సినిమాకు లారెన్స్ దర్శకత్వం వహిస్తున్నారు. అక్షయ్ కుమార్, కియారా అద్వానీ జంటగా నటిస్తున్నారు. ఇటీవల ఈ మూవీ ట్రైలర్ రిలీజ్ చేసి సినిమాపై హైప్ పెంచేశారు. కాంచన చిత్రానికి రీమేక్ గా వస్తున్న ఈ భారీ సినిమా ట్రైలర్ తో మరింత స్థాయిలో భారీ రెస్పాన్స్ ను అందుకుంది. ఈ చిత్రం ప్రీమియర్ డిస్ని ప్లస్ హాట్ స్టార్ లో నవంబర్ 9 నుంచి ప్రసారం కానుంది. దీంతో హీరో అక్షయ్‌ కుమార్‌, యూనిట్‌ సినిమా ప్రమోషన్‌లో చాలా బిజీగా ఉన్నారు. ఈ చిత్రానికి ల‌క్ష్మీ బాంబ్ అనే టైటిల్ ఫిక్స్ చేయ‌గా, కొంద‌రు దీనిపై ర‌చ్చ చేయ‌డంతో ల‌క్ష్మీగా మార్చారు. అయిన‌ప్ప‌టికీ దీనిపై ట్రోల్ న‌డుస్తూనే ఉంది. అక్ష‌య్ కుమార్ భార్య ట్వింకిల్ ఖ‌న్నా ఫొటోని మార్ఫింగ్ చేసి ఆ ఫోటోపై ట్వింకిల్ బాంబ్ అని రాసారు. ఇది ట్వింకిల్ ఖన్నా దృష్టికి రాగా, ట్రోల‌ర్స్‌కు గ‌ట్టి స‌మాధానం ఇచ్చింది. ట్వింకిల్ ఖ‌న్నా ఫోటోని నీలి రంగులోకి మార్చి నుదుటున ఎర్ర‌టి బొట్టు పెట్టారు. ఈ ఫోటోను త‌న సోష‌ల్ మీడియాలో షేర్ చేసిన అక్ష‌య్ భార్య‌.. “ఈ ఫోటోకు న‌న్ను ట్యాగ్ చేసాడు ఓ థ‌ర్డ్ క్లాస్ ప‌ర్స‌న్. దేవుడి మీద జోకులు చేస్తారా ? అవును మరి… దేవుడికి జోకులంటే ఇష్టం కాబ‌ట్టే భూమి మీద‌కు నీలాంటోడిని పంపాడు. ఈ ఫొటో సాయంతో దీపావ‌ళికి పటాసులా రెడీ అవుతాను” అంటూ ఘాటుగా స్పందించారు ట్వింకిల్.

Related posts