తెలుగు ఇండస్ట్రీలో వరుస విషాదాలు తెలుగు ప్రేక్షకులను ఆందోళనకు గురి చేస్తున్నాయి. రోజుల వ్యవధిలోనే శివశంకర్‌ మాస్టర్‌, సిరివెన్నెల సీతారామశాస్త్రి ప్రాణాలు విడిచారు. ఈ విషాదాల నుంచి ఇంకా తేరుకోకముందే మరో టాలీవుడ్ యంగ్ హీరో ఇంట్లో విషాదం చోటు చేసుకుంది.
తెలుగులో రెండు సినిమాలతో గుర్తింపు తెచ్చుకున్న యంగ్ కిరణ్ అబ్బవరం త‌మ్ముడు రామాంజులు రెడ్డి రోడ్డు ప్రమాదంలో మృతి చెందారు. బుధవారం ఉదయం జరిగిన రోడ్డుప్రమాదంలో ఆయన ప్రాణాలు కోల్పోయాడు. కడప జిల్లా చెన్నూరు వద్ద ఈ ప్రమాదం జరిగినట్లు తెలుస్తోంది. దీంతో కిరణ్ కుటుంబం శోకసంద్రంలో మునిగిపోయింది.
‘రాజావారు రాణిగారు’ సినిమాతో హీరోగా పరిచయమైన కిరణ్ అబ్బవరం.. ‘ఎస్.ఆర్. కల్యాణ మండపం’ సినిమాతో మంచి గుర్తింపు తెచ్చుకున్నాడు. ప్రస్తుతం మరో రెండు సినిమాలు చేస్తూ బిజీగా ఉన్నాడు. ఈ క్రమంలో ఆయన సోదరుడు కన్నుమూయడం అతడికి అతిపెద్ద లోటే అని చెప్పాలి.