తెలంగాణలో విషాదం చోటు చేసుకుంది. మానేరు వాగులో దిగి ముగ్గురు యువకులు మరణించారు. ఈ ఘటన పెద్దపల్లి జిల్లా సుల్తానాబాద్ మండలం నీరుకుల్ల వద్ద జరిగింది. ఐతురాజుపల్లి గ్రామము నుంచి ఒకే కుటుంబానికి చెందిన 8 మంది మానేరు వాగులో స్నానానికి దిగారు. ఈ నేపథ్యంలో వాగులో ఒక్కసారిగా నీటిమట్టం పెరగడంతో వారిలో ముగ్గురు గల్లంతయ్యారు. వాగులో కొట్టుకుపోతున్న మరో ఐదుగురిని స్థానికులు కాపాడారు. అనంతరం గల్లంతైన వారికోసం గాలింపు చేపట్టగా ముగ్గురి మృత దేహాలు లభ్యమయ్యాయి. మృతులను ఐతరాజుపల్లి కి చెందిన జోగుల ఆశిష్, జోగుల మనోజు తో పాటు వేములవాడ కు చెందిన రాహుల్ గా గుర్తించారు. మృతదేహాలను చూసి కుటుంబసభ్యులు కన్నీరుమున్నీరు అవుతున్నారు.
తెలంగాణలో విషాదం : వాగులో దిగి ముగ్గురు యువకులు మృతి
