రియాలిటీ షో బిగ్ బాస్.. రెండు సీజన్స్లోను బుల్లితెరపై సంచలనాలు సృష్టించిన విషయం తెలిసిందే. ఈ ‘షో’కి తెలుగులో తొలి సీజన్కు ఎన్టీఆర్ హోస్ట్గా వ్యవహరించగా.. రెండో సీజన్కి నాని హోస్ట్గా ఉన్నాడు. అయితే ఇక సీజన్ 3 ఎప్పుడు మొదలవుతుంది, దానికి హోస్ట్ ఎవరు అనే దానిపై కొన్నాళ్ళుగా హాట్ హాట్గా చర్చలు నడుస్తున్నాయి. ఎన్టీఆర్ హోస్ట్ చేస్తాడని మొదట వార్తలు వచ్చినప్పటికి ఆ తర్వాత నాగార్జున, అనుష్క అంటూ తెరపైకి పలువురు పేర్లు వచ్చాయి. తాజా సమాచారం ప్రకారం మీలో కోటీశ్వరుడు వంటి రియాలిటీ షోతో ఆకట్టుకున్న నాగార్జుననే బిగ్ బాస్ 3ని హోస్ట్గా చేయనున్నాడని చెబుతున్నారు.
నిర్వాహకులు కూడా ఆయన పేరునే ఫైనల్ చేసినట్టు తెలుస్తుంది. త్వరలోనే దీనిపై అధికారిక ప్రకటన కూడా చేయనున్నారట. మరో వైపు బిగ్ బాస్ 3లో పాల్గొనే పార్టిసిపెంట్స్ ఎంపిక శరవేగంగా జరుగుతుంది. జూలైలో ఈ షో ప్రారంభం కానున్నట్టు తెలుస్తోంది. అట తమిళ్లో బిగ్ బాస్ -3 హోస్ట్గా నయనతార అంటూ సాగిన ప్రచారానికి బ్రేక్ పడింది. మొదటి రెండు సీజన్స్కి హోస్ట్గా ఉన్న కమల్నే ఈ సీజన్కు కూడా కొనసాగించనున్నారు. దీనిపై నిర్వాహకులు అధికారికంగా ప్రకటించారు కూడా.