కోలీవుడ్‌ స్టార్‌ హీరో విజయ్, పూజా హెగ్దే జోడిగా నటించిన చిత్రం ‘బీస్ట్’. డైరెక్టర్ నెల్సన్ దర్శకత్వంలో యాక్షన్ థ్రిల్లర్‌ గా తెరకెక్కిన ఈ సినిమా కోసం విజయ్ అభిమానులు ఎంతగానో ఎదురుచూస్తున్నారు. .
ఈ మూవీలో విజయ్ భారీ యాక్షన్ సీక్వెన్స్ లో నటించాడు. ఈ సినిమా పై అంచనాలు భారీగానే ఉన్నాయి. ఇప్పటికే ఈ మూవీ నుంచి విడుదలైన పోస్టర్స్, సాంగ్స్కు మంచి రెస్పాన్స్ వచ్చింది. ఈ సినిమా పై అంచనాలు భారీగానే ఉన్నాయి.
తమిళ వెర్షన్‌తో పాటు, ఈ చిత్రం తెలుగులో కూడా ఏప్రిల్ 13న ఏకకాలంలో విడుదల కానుంది. దీంతో సినిమా ప్రమోషన్స్‌ మొదలు పెట్టారు. ఈ క్రమంలోనే తాజాగా బీస్ట్ సినిమా తెలుగు ట్రైలర్ రిలీజ్ చేసింది చిత్రయూనిట్. ఈ ట్రైలర్ లో హీరో విజయ్ ధైర్యసాహసాలు ఆకట్టుకునేలా ఉన్నాయి.
ఈ ట్రైలర్‌లో షాపింగ్‌ మాల్‌ను హైజాక్ చేయ‌గా ఆ తీవ్రవాదుల బారి నుంచి ప్రజలను రక్షించి తీసుకుని రావడానికి సోల్జర్ వీర రాఘవన్గా దళపతి రంగంలోకి దిగుతాడు.
భయంకరమైన ఉగ్రవాదులతో పోరాడటం సినిమాపై హైప్ పెంచుతోంది. ట్రైలర్ పూర్తిగా ఉత్కంఠభరితమైన యాక్షన్ సన్నివేశాలతో నిండిపోయింది.ఈ చిత్రానికి అనిరుధ్ సంగీతం అందించగా.. సన్ పిక్చర్స్ బ్యానర్ పై నిర్మించారు.