తమన్నా, తెలుగు, తమిళ, హిందీ బాషల లోను తన జోరును కొనసాగించడానికి శతవిధాలా ప్రయత్నిస్తోంది. బాలీవుడ్ పై భారీగా ఫోకస్ పెట్టిన కారణంగా ఆమెకి ‘హిమ్మత్ వాలా’ .. ‘హమ్ షకల్స్’ .. ‘ఎంటర్టైన్మెంట్’ చిత్రాలు దక్కాయి. అయితే ఈ సినిమాలు ఆమెకి అక్కడ గుర్తింపు మాత్రమే తీసుకురాగలిగాయి. ఇప్పటికి ఆమె సరైన హిట్ కోసం ఎదురుచూస్తోంది. ఈ నేపథ్యంలోనే ఆమెకి నవాజుద్దీన్ సిద్ధిఖీ సరసన అవకాశం లభించింది.
నవాజుద్దీన్ కథానాయకుడిగా షామాన్ సిద్దిఖీ ఒక సినిమాను రూపొందిస్తున్నాడు. ఈ సినిమాలో కథానాయికగా ముందుగా ఆయన మౌనీ రాయ్ ను ఎంపిక చేసుకున్నాడు. కొన్ని కారణాల వలన ఆమె ఈ ప్రాజెక్టు నుంచి తప్పుకోవడంతో, తమన్నాను తీసుకున్నాడు. ఈ ప్రాజెక్టులో ఛాన్స్ దక్కడం పట్ల తమన్నా ఆనందాన్ని వ్యక్తం చేస్తోంది. కథాకథనాలు తనకి బాగా నచ్చాయనీ, సెట్లోకి ఎప్పుడు అడుగుపెడతానా అని ఆసక్తిగా ఎదురుచూస్తున్నానని ఆమె చెప్పుకొచ్చింది. బహుశా ఈ చిత్రంతో నైనా ఆమె విజయ దాహం తీరుతుందేమో చూడాలి!!