హిందూ, బౌద్ధమతాల్లో పవిత్రమైన గుర్తుగా భావించే స్వస్తిక్ మార్కును ప్రపంచంలో చాలామంది చెడుగా భావిస్తారు. దీనికి ప్రధాన కారణం నాజీ నేత అడాల్ఫ్ హిట్లర్. ప్రస్తుతం ఈ గుర్తును జాత్యహంకారం, అతివాదానికి ప్రతీకగా ఉపయోగిస్తున్నారు. అటువంటి ఈ గుర్తును పది చదరపు అడుగుల విస్తీర్ణంలో ఇంటి ముందు ముద్రించుకున్నాడో కాలిఫోర్నియా వాసి. ఈ గుర్తు తమ మనోభావాలను దెబ్బతీస్తోందని స్థానికులు వాపోతున్నారు. అయితే తనకు స్వస్తిక్ గుర్తును ప్రపంచవ్యాప్తంగా దేనికోసం ఉపయోగిస్తారో తెలియదని, ఆ గుర్తు తనకు నచ్చడంతోనే తన ఇంటిముందు ముద్రించానని ఓ ఇంటర్వ్యూలో స్టీవ్ చెప్పాడు. తన ఇంట్లో తనకు ఇష్టం వచ్చిన గుర్తును ముద్రించుకుంటానని, దీన్ని ప్రశ్నించే హక్కు ఎవరికీ లేదని స్టీవ్ అన్నాడు. తన ఇంట్లోని స్వస్తిక్ గుర్తుకు నాజీలతో సంబంధం లేదని, తనకు బౌద్ధమతంపై ఆసక్తని అందుకే ఆ గుర్తు వేయించుకున్నానని చెప్పాడు.
ఇంటి ముందు స్వస్తిక్ గుర్తు… స్థానికుల ఆగ్రహం
