సూపర్‌ స్టార్ రజనీకాంత్ హీరోగా మాస్ చిత్రాల దర్శకుడు కేయస్‌ రవికుమార్ దర్శకత్వంలో తెరకెక్కిన సినిమా “లింగా”. కమర్షియల్‌గా పెద్దగా వర్క్‌ అవుట్ కాకపోయినా కథా కథనాల పరంగా ఈ సినిమాకు మంచి పేరు వచ్చింది. అయితే ఈ సినిమా రిలీజ్ సమయంలో పెద్ద దుమారమే చెలరేగింది. ఈ సినిమా కథ కాపీ అంటూ రవి రత్నం అనే డైరెక్టర్‌ మధురై కోర్టులో కేసు వేశారు. లింగా కథను తన సినిమా ముల్లై వానమ్‌ 999 నుంచి కాపీ చేశారంటూ ఆరోపించాడు రవి రత్నం. ఈ కేసు కారణంగా లింగా సినిమా రిలీజ్ విషయంలోనూ చాలా ఇబ్బందులు ఎదుర్కొంది. చివరకు పది కోట్ల రూపాయల పూచీకత్తుతో సినిమా రిలీజ్‌కు అనుమతించింది కోర్టు. ఐదేళ్లుగా కోర్టులో నలుగుతున్న ఈ కేసుపై తీర్పు వెలువరించింది న్యాయస్థానం. లింగా కథ కాపీ కాదంటూ తేల్చి చెప్పింది. దీంతో చిత్ర నిర్మాత రాక్‌లైన్‌ వెంకటేష్‌కు ఊరట లభించినట్టైంది. తమిళనాట స్టార్ హీరోల సినిమాలపై ఈ కాపీ ఆరోపణలు కామన్‌ అయిపోయాయి. ముఖ్యంగా రజనీ, విజయ్‌ల సినిమాల విషయంలో ఈ ఆరోపణలు ఎక్కువగా విన్పిస్తుండడం గమనార్హం.
రజినీ టీంకు ఊరట… ఐదేళ్లనాటి కేసును తేల్చేసిన కోర్టు
